ନୂଆଦିଲ୍ଲୀ: ଇସ୍ରାଏଲ ଓ ହମାସ ମଧ୍ୟରେ ଯୁଦ୍ଧ ଜାରି ରହିଥିବା ବେଳେ ପୁଣି ବଢିଲା ସୁନା ଦର। ସୁନା ମୂଲ୍ୟରେ ପୁଣି ବୃଦ୍ଧି ଘଟିଛି। ସୁନା ୧୦ ଗ୍ରାମ ପିଛା ୬୨ ହଜାର ୫୬୦ ଟଙ୍କାରେ ପହଞ୍ଚିଛି। ବିଶ୍ବ ବଜାରରେ ସୁନା ମୂଲ୍ୟରେ ବୃଦ୍ଧି ମଧ୍ୟ ଦେଖାଯାଉଛି। ଆଶା କରାଯାଉଛି ଯେ ଯଦି ଫେଡ ରିଜର୍ଭ ନଭେମ୍ବରରେ ସୁଧ ହାର ବୃଦ୍ଧି କରିବାକୁ ନିଷ୍ପତ୍ତି ନ ନିଏ, ତେବେ ସୁନା ମୂଲ୍ୟରେ ଆହୁରି ବୃଦ୍ଧି ହେବାର ସମ୍ଭାବନା ରହିଛି।
ଭାରତରେ ମଧ୍ୟ ଉତ୍ସବର ଚାହିଦା ବୃଦ୍ଧି ହେତୁ ସୁନା ମୂଲ୍ୟ ୧୦ ଗ୍ରାମ ପିଛା ୬୩ ହଜାରରେ ପହଞ୍ଚିବ ବୋଲି ଅନୁମାନ କରାଯାଉଛି। କେବଳ ସୁନା ମୂଲ୍ୟରେ ନୁହେଁ, ରୂପା ମୂଲ୍ୟରେ ମଧ୍ୟ ବୃଦ୍ଧି ଘଟିଛି । ରୂପା ମୂଲ୍ୟ ମଧ୍ୟ କିଲୋଗ୍ରାମ ପିଛା ୭୪,୭୦୦ ଟଙ୍କାରେ ପହଞ୍ଚିଛି।
