ମନମୋହୁଛି ସାମ୍ବାଦିକାଙ୍କ ଚିତ୍ର

ପଟ୍ଟାମୁଣ୍ଡାଇ: ସାମ୍ବାଦିକାଙ୍କ ଚିତ୍ର ଆଙ୍କିବା ନିଶା । ଦୈନନ୍ଦିନ ଜୀବନରୁ ସମୟ କାଢି ସେ ଆଙ୍କୁଛନ୍ତି ରଙ୍ଗିନ ଚିତ୍ର। ପଟ୍ଟାମୁଣ୍ଡାଇର ସ୍ନିଗ୍ଧା ତ୍ରିପାଠୀ ଚିତ୍ର ଆଙ୍କି ବିଭିନ୍ନ ସ୍ଥାନରୁ ପୁରସ୍କୃତ ହେଉଛନ୍ତି । ପାର୍ବଣ ଋତୁର ଆଗମନରେ ସେ ଶାଢୀର ଆଙ୍କୁଛନ୍ତି ଭଳିକି ଭଳି ଚିତ୍ର ।

ପେଶାରେ ସାମ୍ବାଦିକ ହେଲେ ନିଶା ଚିତ୍ର ଆଙ୍କିବା। ବିନା ପ୍ରଶିକ୍ଷଣରେ ଲିପନ ଆର୍ଟ, ମିରର ଆର୍ଟ, ମୋଜାକ ଆର୍ଟ, ଷ୍ଟିପ୍ ଆର୍ଟ କରିପାରୁଛନ୍ତି କେନ୍ଦାପଡା ପଟ୍ଟାମୁଣ୍ଡାଇ ପୌର ପରିଷଦ ଅନ୍ତର୍ଗତ ବାଲିପଡ଼ାର ସ୍ନିଗ୍ଧା ତ୍ରିପାଠୀ। ଚଳିତବର୍ଷ ପାର୍ବଣରେ କିଛି ନିଆରା ଢଙ୍ଗରେ ପେଟିଂ କରି ଏବେ ପ୍ରଶଂସା ସାଉଁଟୁଛନ୍ତି ସ୍ନିଗ୍ଧା। ପିଲାଦିନରୁ ଚିତ୍ର ଆଙ୍କିବା ପ୍ରତି ତାଙ୍କର ଆଗ୍ରହ ଥିଲା । ଲୁଗା ଓ ଡ୍ରେସ ଉପରେ ପାର୍ବଣର ରଙ୍ଗ ଭରିବା ସହିତ ବିଭିନ୍ନ ଦେବାଦେବୀ ପେଟିଂ କରି ନିଆରା ଲୁକ୍ ଦେଉଛନ୍ତି ସ୍ନିଗ୍ଧା।

ସ୍ନିଗ୍ଧା ତାଙ୍କର ଏହି କଳାକୁ ପ୍ରଦର୍ଶିତ କରି ପୁରସ୍କୃତ ହୋଇଛନ୍ତି । ସାମ୍ବଦିକତାରୁ ଆଇନଜୀବୀ ପରେ ଜଣେ ଲେଖିକା ଭାବେ ସ୍ନିଗ୍ଧା କିଛି ବହି ମଧ୍ୟ ଲେଖିଛନ୍ତି। ଅନ୍ୟପଟେ ସ୍ନିଗ୍ଧାଙ୍କ କଳାକୁ ନେଇ ବେଶ ଖୁସି ପରିବାର। ଆଗକୁ ରାଜ୍ୟ ବାହାରେ ତାଙ୍କର ଚିତ୍ରକଳା ପ୍ରଦର୍ଶନ କରିବାର ଲକ୍ଷ୍ୟ ରଖିଛନ୍ତି ସ୍ନିଗ୍ଧା।