ICC ODI Rankingରେ ସିରାଜ ରାଜ୍; ବନିଲେ ବିଶ୍ୱର ନଂ1 ବୋଲର
ନୂଆଦିଲ୍ଲୀ: ଟିମ୍ ଇଣ୍ଡିଆର ଦ୍ରୁତତମ ବୋଲର ମହମ୍ମଦ ସିରାଜ ଏସିଆ କପ୍ ଫାଇନାଲରେ ଧମାକାଦାର ପ୍ରଦର୍ଶନ କରିଥିଲେ। ନିଜର ଦମଦାର୍ ବୋଲିଂ ବଳରେ ଶ୍ରୀଲଙ୍କାର ବ୍ୟାଟ୍ସ ମାନଙ୍କ ଧୂଆଁ ବାହାର କରିଦେଇଥିଲେ । କେବଳ ଗୋଟିଏ ଓଭରରେ ହିଁ ୪ ୱିକେଟ୍ ହାତେଇଥିବା ସିରାଜ ଏବେ ବନିଯାଇଛନ୍ତି ଆଇସିସିର ଦିନିକିଆ ରାଙ୍କିଂରେ ନଂ ୧ । ସେହିପରି ଟପ୍ ୧୦ ରାଙ୍କିଂରେ ସ୍ଥାନ ବନାଇପାରିଛନ୍ତି ଭାରତୀୟ ସ୍ପିନର କୁଳଦୀପ ଯାଦବ ।
ଆଇସିସି ପକ୍ଷରୁ ଜାରି ହୋଇଥିବା ଦିନିକିଆ ବୋଲିଂ ରାଙ୍କିଂରେ ମହମ୍ମଦ ସିରାଜ ପ୍ରଥମ ସ୍ଥାନ ଅକ୍ତିଆର କରିଛନ୍ତି । ୨ୟ ସ୍ଥାନରେ ରହିଛନ୍ତି କାବିଜ ଅଷ୍ଟ୍ରେଲିଆର ଜୋସ ହେଜଲଉଡ ରହିଛନ୍ତି । ହେଜଲଉଡ ୬୭୮ ଅଙ୍କ ପାଇଥିବା ବେଳେ ୬୯୪ ଅଙ୍କ ସହ ନଂ1 ବନିଯାଇଛନ୍ତି ସିରାଜ । ସେହିପରି ହେଜଲଉଡଙ୍କ ଠାରୁ ୧ ଅଙ୍କ ପଛରେ ରହି ତୃତୀୟ ସ୍ଥାନ ହାସଲ କରିଛନ୍ତି ନ୍ୟୁଜିଲାଣ୍ଡର ଟ୍ରେଣ୍ଟ ବୋଲ୍ଟ ।
୪ର୍ଥ ସ୍ଥାନରେ ଆଫଗାନିସ୍ତାନର ସ୍ପିନର ମୁଜିବ ଉର ରହମାନ ରହିଥିବା ବେଳେ ୫ମ ସ୍ଥାନରେ ରହିଛନ୍ତି ରସିଦ ଖାନ୍ । ୯ମ ସ୍ଥାନ ଭାରତୀୟ ସ୍ପିନର କୁଳଦୀପ ଯାଦବ ହାସିଲ କରିଥିବାବେଳେ ୧୦ ସ୍ଥାନରେ ପାକିସ୍ତାନର ଶାହିନ ଶାହ ଅଫରିଦି ରହିଛନ୍ତି ।
ବିଶେଷ କରି ଶ୍ରୀଲଙ୍କା ବିପକ୍ଷ ଫାଇନାଲରେ ମିଆଁ ମ୍ୟାଜିକ ଦେଖିବାକୁ ମିଳିଥିଲା। ସେ ୨୧ ରନ ଦେଇ ୬ ୱିକେଟ ଦଖଲ କରିବାରୁ ଶ୍ରୀଲଙ୍କା ୫୦ ରନରେ ଅଲଆଉଟ ହୋଇ ଯାଇଥିଲା। ତେବେ ଏସିଆ କପରେ ସିରାଜ ମୋଟ୍ ୧୦ ୱିକେଟ୍ ହାତେଇଥିଲେ ।
