ଆଜିଠୁ ଆରମ୍ଭ ହେଉଛି କଟକର ଐତିହାସିକ ବାଲିଯାତ୍ରା

କଟକ :  ଆଜିଠୁ ଆରମ୍ଭ ହେଉଛି କଟକର ଐତିହାସିକ ବାଲିଯାତ୍ରା । ବ୍ୟବସାୟୀଙ୍କଠାରୁ ଆରମ୍ଭ କରି ପ୍ରଶାସନର ସମସ୍ତ ପ୍ରସ୍ତୁତି ଶେଷ ପର୍ଯ୍ୟାୟରେ ପହଞ୍ଚିଛି । ବାଲିଯାତ୍ରାକୁ ଅଧିକ ଆକର୍ଷଣୀୟ କରିବାକୁ ଚଳିତବର୍ଷ ପ୍ରଶାସନ ବିଭିନ୍ନ କାର୍ଯ୍ୟକ୍ରମ ହାତକୁ ନିଆଯାଇଥିବା ବେଳେ ଶାନ୍ତି ଶୃଙ୍ଖଳା ରକ୍ଷା ପାଇଁ ପୋଲିସ ପକ୍ଷରୁ ବ୍ୟାପକ ବନ୍ଦୋବସ୍ତ ହୋଇଛି ।

ବର୍ଷକୁ ଥରେ ଆୟୋଜିତ ହେଉଥିବା ବାଲିଯାତ୍ରାକୁ ନେଇ ଏବେ ଚଳଚଞ୍ଚଳ କଟକ ସହର । ଛୁଆ ଠାରୁ ବୟସ୍କ ପର୍ଯ୍ୟନ୍ତ ସମସ୍ତେ ବାଲିଯାତ୍ରାର ମଜା ନେବା ପାଇଁ ପ୍ରସ୍ତୁତ । ଭଳିକି ଭଳି ଦୋକାନଠୁ ଆରମ୍ଭ କରି ସୁଆଦିଆ ଖାଇବା ସମସ୍ତଙ୍କ ମନ ମୋହିଥାଏ । ସବୁ ବର୍ଷ ତଳ ପଡ଼ିଆ ଏବଂ ଉପର ପଡ଼ିଆକୁ ଦୁଇ ଭାଗରେ ବିଭକ୍ତ କରାଯାଇ ଦୋକାନ ବଜାର ବସିଥାଏ । ଉପର ପଡ଼ିଆରେ ମସଲା, ଘର କରଣା, ଇଲେକଟ୍ରୋନିକ୍ସ୍ ସାମଗ୍ରୀ ମିଳୁଥିବା ବେଳେ ତଳ ପଡ଼ିଆରେ ଆପଣଙ୍କୁ ସ୍ୱାଦିଷ୍ଟ ଖାଇବା, ବିଭିନ୍ନ ରକମର ଦୋଳି ସହ ରଙ୍ଗାରଙ୍ଗ କାର୍ଯ୍ୟକ୍ରମ ଦେଖିବାକୁ ମିଳିବ ।

ବାଲିଯାତ୍ରାରେ ଭିଡ଼କୁ ଆଖି ଆଗରେ ରଖି ଟ୍ରାଫିକ ବ୍ୟବସ୍ଥାକୁ କଡ଼ାକଡ଼ି କରାଯାଇଛି। ବାଲିଯାତ୍ରାରେ ଚଳିତଥର ୩ଟି ପ୍ରବେଶ ପଥ ରଖାଯାଇଛି । ସୁରକ୍ଷା ପାଇଁ ୫୦ ପ୍ଲାଟୁନ୍ ପୋଲିସ ଫୋର୍ସ ମୁତୟନ ହୋଇଛନ୍ତି । ଚଳିକ ବର୍ଷ ପ୍ରଥମ ଥର ପାଇଁ ‘ମୋ ରିକ୍ସା’ ରେ ଯାତାୟତ କରିପାରିବେ ମେଳା ବୁଲିବାକୁ ଆସିଥିବା ଲୋକେ । ')}