୩୦ ବର୍ଷରେ ମଧୁମେହରେ ଆକ୍ରାନ୍ତ ହେବେ ୧୩୦ କୋଟି ଲୋକ !
1 min read
ନୂଆଦିଲ୍ଲୀ: ବର୍ତ୍ତମାନ ଚିନ୍ତା ବଢ଼ାଉଛି ମଧୁମେହ ରୋଗ । ବିଶ୍ୱରେ ବଢ଼ୁଛି ମଧୁମେହ ରୋଗୀଙ୍କ ସଂଖ୍ୟା । ତେବେ ମଧୁମେହ ରୋଗକୁ ନେଇ ହୋଇଯାଆନ୍ତୁ ସତର୍କ । ୨୦୫୦ ସୁଦ୍ଧା ଦୁଇଗୁଣା ବଢ଼ିବ ମଧୁମେହ ରୋଗୀଙ୍କ ସଂଖ୍ୟା । ରିସର୍ଚ୍ଚ ଅନୁଯାୟୀ, ୨୦୫୦ ସୁଦ୍ଧା ୧୩୦ କୋଟି ଲୋକ ଡାଇବେଟିସ ରୋଗରେ ଆକ୍ରନ୍ତ ହେବେ ।
‘ଦ ଲାନସେଟ୍’ରେ ପ୍ରକାଶିତ ରିସର୍ଚ୍ଚରୁ ଜଣାପଡିଛି ଯେ, ଆସନ୍ତା ୩୦ ବର୍ଷ ମଧ୍ୟରେ କୌଣସି ଦେଶରେ ମଧୁମେହ ହାର ହ୍ରାସ ପାଇବ ନାହିଁ । ୟୁନାଇଟେଡ୍ ନେସନ (UN) ଅନୁମାନ କରିଛ ଯେ, ୨୦୫୦ ବେଳକୁ ଡାଇବେଟିସ୍ ରୋଗୀଙ୍କ ସଂଖ୍ୟା ୯୮୦ କୋଟି ହେବାର ସମ୍ଭାବନା ରହିଛି । ଅର୍ଥାତ୍, ପ୍ରତି ୭ ଜଣଙ୍କ ମଧ୍ୟରୁ ଜଣେ ମଧୁମେହରେ ଆକ୍ରାନ୍ତ ହେବା ସୁନିଶ୍ଚିତ ଅଟେ ।
ରିସର୍ଚ୍ଚରୁ ମଧ୍ୟ ଜଣାପଡିଛି ଯେ, ବିକଶିତ ଦେଶ ଅପେକ୍ଷା କୋଭିଡ -୧୯ ମହାମାରୀ ସେହି ସ୍ଥାନରେ ଅଧିକ ବ୍ୟାପିଛି, ଯେଉଁଠାରେ ଲୋକମାନେ ପର୍ଯ୍ୟାପ୍ତ ଚିକିତ୍ସା ଏବଂ ପୁଷ୍ଟିକର ଖାଦ୍ୟ ପାଇପାରୁ ନାହାଁନ୍ତି । ଏହି ସ୍ଥାନଗୁଡିକରେ ମଧୁମେହ ରୋଗୀଙ୍କ ମୃତ୍ୟୁ ହାର ଅଣ-ମଧୁମେହ ରୋଗୀଙ୍କ ତୁଳନାରେ ଦୁଇଗୁଣ ଅଧିକ ।
କୋଭିଡ୍ -୧୯ ଇନସୁଲିନ୍ ଉତ୍ପାଦନ କରୁଥିବା ବିଟା ଟିସୁକୁ ସଂକ୍ରମିତ କରିଥାଏ
ଲାନସେଟ୍ ରିପୋର୍ଟ ଅନୁଯାୟୀ, କରୋନା ଭାଇରସ ଶରୀରରେ ଗ୍ଲୁକୋଜ ପରିଚାଳନା କରୁଥିବା ଟିସୁ, ଅଙ୍ଗର ଅଗ୍ନାଶୟ, କ୍ଷୁଦ୍ର ଅନ୍ତ ନଳୀ, ଯକୃତ ଏବଂ କିଡନୀର କାର୍ଯ୍ୟ ଉପରେ ଖରାପ ପ୍ରଭାବ ପକାଇଥାଏ । ଏହା ସିଧାସଳଖ ଅଗ୍ନାଶୟରେ ଥିବା ଇନସୁଲିନ୍ ଉତ୍ପାଦନ କରୁଥିବା ବିଟା କୋଷକୁ ସଂକ୍ରମିତ କରେ । ଏହା ଫଳରେ ବିଟା କୋଷଗୁଡ଼ିକ ନଷ୍ଟ ହୋଇଯାଏ, ରୋଗୀଙ୍କ ଇନସୁଲିନ୍ ଉତ୍ପାଦନ କରିବାର କ୍ଷମତା କମିଯାଇଥାଏ । ଏପରି ପରିସ୍ଥିତିରେ, ଯେଉଁମାନେ ସୁସ୍ଥ ଥାନ୍ତି ସେମାନଙ୍କଠାରେ ମଧ୍ୟ ନୂତନ ମଧୁମେହ ରୋଗ ବିକଶିତ ହୋଇଥାଏ ।
