ସହାୟତା ପାଇଁ ପ୍ରତିଶ୍ରୁତି ଦେଇଥିଲେ, ୪ ଦିନ ମଧ୍ୟରେ ପୂରଣ କଲେ

ସମ୍ବଲପୁର: ସହାୟତା ପାଇଁ ପ୍ରତିଶ୍ରୁତି ଦେଇଥିଲେ । ୪ ଦିନ ମଧ୍ୟରେ ପୂରଣ କଲେ । ଦୁଇ ଅସହାୟଙ୍କୁ ୩୦ ହଜାର ଟଙ୍କା ଲେଖାଏଁ ସହାୟତା ରାଶି ପ୍ରଦାନ କଲେ ରାଜ୍ୟ ସରକାର । ଗତ ୧୫ ତାରିଖରେ 5T ସଚିବ ସମ୍ବଲପୁର ଗସ୍ତ ସମୟରେ  ରେଙ୍ଗାଲିରେ ଅନୁଷ୍ଠିତ ଅଭିଯୋଗ ଶୁଣାଣିରେ ଯୋଗଦେଇଥିଲେ । ଏଠାରେ ତବଲାର କଳ୍ପନା ଧରୁଆ ତାଙ୍କ ସ୍ବାମୀ ଦୀକ୍ଷିତ ଧରୁଆଙ୍କ ଚିକିତ୍ସାରେ ସହଯୋଗ ପାଇଁ ଅଭିଯୋଗ ପତ୍ରମାଧ୍ୟମରେ ଅନୁରୋଧ କରିଥିଲେ । ଏନେଇ 5T ସଚିବ ମୁଖ୍ୟମନ୍ତ୍ରୀଙ୍କୁ ଅବଗତ କରାଇବା ପରେ ଦୀକ୍ଷିତଙ୍କ ଚିକିତ୍ସା ପାଇଁ ମୁଖ୍ୟମନ୍ତ୍ରୀ ରିଲିଫ୍ ପାଣ୍ଠିରୁ ୩୦ ହଜାର ଟଙ୍କା ପ୍ରଦାନ କରାଯାଇଛି ।

ଆଜି ଜିଲ୍ଲାପାଳଙ୍କ ନିର୍ଦ୍ଦେଶ ପରେ ସଦର ଉପଜିଲ୍ଲାପାଳ କଳ୍ପନାଙ୍କ ଘରକୁ ଯାଇ ଚେକ୍ ପ୍ରଦାନ କରିଛନ୍ତି । ସେହିଭଳି ଖିଣ୍ଡା ଗାଁର ସରୋଜ ରବନାଙ୍କୁ ମଧ୍ୟ ୩୦ ହଜାର ଟଙ୍କାର ସହାୟତା ରାଶି ପ୍ରଦାନ କରାଯାଇଛି । ସେ କର୍କଟ ରୋଗରେ ପୀଡିତ ଥିବାରୁ ସହାୟତା ପାଇଁ 5T ସଚିବଙ୍କୁ ଅନୁରୋଧ କରିଥିଲେ ।