ବାୟୁ ପ୍ରଦୂଷଣକୁ ନେଇ ପଞ୍ଜାବ ସରକାରଙ୍କୁ ସୁପ୍ରିମକୋର୍ଟଙ୍କ ଭତ୍ସନା

ନୂଆଦିଲ୍ଲୀ : ଉତ୍ତର ଭାରତରେ ବଢୁଥିବା ବାୟୁ ପ୍ରଦୂଷଣକୁ ନେଇ ଚିନ୍ତାବ୍ୟକ୍ତ କରିଛନ୍ତି ସର୍ବୋଚ୍ଚ ନ୍ୟାୟାଳୟ । ଏନେଇ ପଞ୍ଜାବ ସରକାରଙ୍କୁ ସୁପ୍ରିମକୋର୍ଟ କଡ଼ା ଭାଷାରେ ସମାଲୋଚନା କରିଛନ୍ତି । ୪୪ ପ୍ରତିଶତରୁ ଅଧିକ ବାୟୁ ପ୍ରଦୂଷଣ ଜମିରେ ଏବଂ ଜଂଗଲରେ ଲାଗି ରହୁଥିବା ନିଆଁ କାରଣରୁ ହେଉଥିବା କୋର୍ଟ କହିଛନ୍ତି । ଶୁଣାଣିବେଳେ ପଞ୍ଜାବ ସରକାରଙ୍କ ମୁଖ୍ୟ ଶାସନ ସଚିବ କୋର୍ଟରେ ଉପସ୍ଥିତ ଥିଲେ । କୋର୍ଟ କହିଛନ୍ତି ଯେ, ଏହା ପଞ୍ଜାବ ସରକାରଙ୍କର ସଂପୂର୍ଣ୍ଣ ବିଫଳତା ବୋଲି ମାନିବାକୁ ହେବ । ଅଧିକାରୀମାନଙ୍କୁ ଦଣ୍ଡ ଦେବା ଉଚିତ୍ । ଏଥିରେ ଚାଷୀଙ୍କୁ ଦୋଷ ଦିଆଯାଇପାରିବ ନାହିଁ । ସରକାରୀ ଅଧିକାରୀମାନେ ନିଆଁ କିଭଳି ଲିଭାଯାଇପାରିବ ସେ ନେଇ ଉପାୟ ବାହାର କରିବା ଉଚିତ୍ ।

ଜଷ୍ଟିସ୍ ଅରୁଣ ମିଶ୍ର ଓ ଜଷ୍ଟିସ୍ ଦୀପକ ଗୁପ୍ତାଙ୍କୁ ନେଇ ଗଠିତ ଖଣ୍ଡୀପୀଠ କହିଛନ୍ତି ଯେ, ଲୋକଙ୍କର ପ୍ରାଣହାନୀ ହେଉଛି, ବିମାନ ଚଳାଚଳ ବନ୍ଦ କରାଯାଉଛି, ସ୍କୁଲ ଛୁଟି ହେଉଛି ଅଥଚ ଆପଣମାନେ ନିଜ କର୍ମକୁ ନେଇ ଗର୍ବ କରୁଛନ୍ତି । ଅତି କଡ଼ାଭାଷାରେ କୋର୍ଟ ପଞ୍ଜାବ ସକକାରୀ ଅଧିକାରୀଙ୍କୁ ସମାଲୋଚନା କରିଛନ୍ତି । ପଞ୍ଜାବ, ହରିୟାଣା, ଦିଲ୍ଲୀ ଓ ଉତ୍ତର ପ୍ରଦେଶରେ ବଢୁଥିବା ବାୟୁ ପ୍ରଦୂଷଣକୁ ନେଇ କୋର୍ଟ ଚିନ୍ତାବ୍ୟକ୍ତ କରିବା ସହ ଏଭଳି ଟିପ୍ପଣି କରିଛନ୍ତି ।

')}