ଶାରୀରିକ ଗଠନ ଦୋଷକୁ ହାଲୁକା ଭାବେ ନେଲେ ଭବିଷ୍ୟତରେ ଭୋଗିବେ ଏମିତି ଦୁଃଖ

ଶାରୀରିକ ଗଠନ ଦୋଷ ‘ଶୁଭ’ କେମିତି ?

ଶାରୀରିକ ଗଠନଦୋଷକୁ କେହି କେହି ଲକି ମାନେ ଭାଗ୍ୟବାନ୍ ବା ଲକ୍ଷ୍ମୀବନ୍ତ କହନ୍ତି । ଯେମିତିକି ଆଖି ଟେରା ଥିଲେ ପରିବାରର ଧନ ବଢ଼େ ବୋଲି କୁହାଯାଏ । ଟେରୀ ଝିଅକୁ ଲକ୍ଷ୍ମୀବନ୍ତ ବା ଲକ୍ଷ୍ମୀଟେରୀ କହନ୍ତି । ବଙ୍କା ଚାଲୁଥିବା ଝିଅକୁ ମଧ୍ୟ କେହି କେହି ଲକ୍ଷ୍ମୀବନ୍ତ କୁହନ୍ତ । ଛଅଟି ଆଙ୍ଗୁଠି ଥିଲେ ଏହା ଶୁଭ ବୋଲି କୁହାଯାଏ । କାହାକୁ ଲକ୍ଷ୍ମୀବନ୍ତ କହିବାରେ କିଛି କ୍ଷତି ନାହିଁ। କିନ୍ତୁ ସେଥିପାଇଁ ସେ ଯଦି ସାଧାରଣ ଜୀବନଯାପନରେ ଅସୁବିଧା ଭୋଗେ ସେଥିପାଇଁ କିଏ ଦାୟୀ ରହିବ । ତେଣୁ ଶାରୀରିକ ଗଠନରେ ଦୋଷକୁ ଲକ୍ଷ୍ମୀବନ୍ତ କହି ଚିକିତ୍ସା ନ କରି ଛାଡ଼ିଦେବା ହେଉଛି ମସ୍ତବଡ଼ ଭୁଲ୍ । କାରଣ ଏହା ଅନେକ ସମୟରେ ଅସୁବିଧାର କାରଣ ହୋଇଥାଏ ।

ଆଜି ଆମେ ଆପଣଙ୍କୁ ସେମିତି ଏକ କାହାଣୀ ପଢ଼ାଇବାକୁ ଯାଉଛୁ ଯାହାକୁ ପରିବାର ଲୋକ ଭାଗ୍ୟବାନ ବୋଲି କହୁଥିଲେ । କିନ୍ତୁ ପରବର୍ତ୍ତୀ ସମୟରେ ତାଙ୍କର ଅସ୍ତ୍ରୋପଚାର କରାଯାଇଥିଲା ।

ଅଜୁନ୍ ହେଉଛନ୍ତି ସାଉଥ ଚାଇନାରେ ରହୁଥିବା ଜଣେ ୨୧ ବର୍ଷର ଯୁବକ ଏବଂ  ବ୍ୟକ୍ତିଗତ ଜୀବନକୁ ନେଇ ସେ କହିଛନ୍ତି କିଛି କଥା । ତେବେ ଚାଲନ୍ତୁ ଜାଣିବା କିଏ ଏ ଯୁବକ ଆଉ କଣ ତାଙ୍କ କାହାଣୀ ।

ସାଉଥ ଚାଇନାର ଗୁଆଙ୍ଗଡଙ୍ଗ ପ୍ରଦେଶର ଲୁଫେଙ୍ଗ ସହରରେ ଅଜୁନଙ୍କ ଘର । ଜନ୍ମ ସମୟରୁ ହିଁ ନିଜ ଶରୀର ସହିତ ଜଡ଼ିତ ସେ ଏକ ଆଶ୍ଚର୍ଯ୍ୟ କଲା ଭଳି ଜିନିଷକୁ ନେଇ ବଞ୍ଚୁଥିଲେ । ସାଧାରଣତଃ ଆମ ଶରୀରରେ ହାତ ଓ ଗୋଡ଼କୁ ମିଶାଇ ୨୦ଟି ଆଙ୍ଗୁଠି ଥାଏ । କ୍ୱଚିତ ଲୋକଙ୍କର ଗୋଡ଼ରେ କିମ୍ବା ହାତରେ ଅଧିକ ଗୋଟିଏ ଆଙ୍ଗୁଠି ରହିଯାଇଥାଏ । ଉଦାହରଣ ସ୍ୱରୂପ ବଲିଉଡ ଆକ୍ଟର ହ୍ରିତିକ ରୋଶନ । କିନ୍ତୁ କେବେ ଆପଣ କଳ୍ପନା କରିଛନ୍ତି କି ଜଣଙ୍କ ପାଦରେ ୪ଟି ଅଧିକ ଆଙ୍ଗୁଠି ଥିବାର ?  ଆଜ୍ଞା ହଁ, ଆପଣ ଠିକ ଶୁଣିଲେ ଆମେ କହୁଥିବା ଅଜୁନଙ୍କ ବାମ ପାଦରେ ୯ ଗୋଟି ଆଙ୍ଗୁଠି ଅଛି ।

ଅଜୁନଙ୍କ କହିବା ଅନୁଯାୟୀ ସେ ୯ଟି ଆଙ୍ଗୁଠି ନେଇ ଜନ୍ମ ହୋଇଥିଲେ ଏବଂ ତାଙ୍କ ପରିବାର ଲୋକ ମଧ୍ୟ ଏହା ଅବଗତ ଥିଲେ । ଅପରେସନ କରି ଅଧିକ ଚାରୋଟି ଆଙ୍ଗୁଠିକୁ କାଟିବା ପାଇଁ ପରିବାର ଲୋକ ମଙ୍ଗୁ ନଥିଲେ । ଅଜୁନଙ୍କ ଜନ୍ମ ପରେ ଏଭଳି ସ୍ଥିତି ଦେଖି ପରିବାର ଲୋକ ଡାକ୍ତରଙ୍କୁ ଦେଖାଇବା ବଦଳରେ ଜଣେ ଭବିଷ୍ୟବକ୍ତାଙ୍କୁ ଦେଖାଇଥିଲେ । ଭବିଷ୍ୟବକ୍ତାଙ୍କ କହିବା ଅନୁସାରେ ଅଜୁନଙ୍କ ପାଦରେ ୯ଟି ଆଙ୍ଗୁଠି ରହିବା ଅତି ଶୁଭପ୍ରଦ ଏବଂ ଏହାକୁ କାଟି ଅଲଗା କରନ୍ତୁ ନାହିଁ ବୋଲି ପରାମର୍ଶ ଦେଇଥିଲେ ।  ଯଦି ଏହା ଦେଖିବାକୁ ଭଲ ଲାଗୁନି ତେବେ ପାଦକୁ ଘୋଡ଼ାଇ ରଖିବାକୁ କହିଥିଲେ ।

ପରବର୍ତ୍ତୀ ସମୟରେ ଅଜୁନ ସୁନ୍ଦେ ହେପିଂ ସର୍ଜିକାଲ ହସ୍ପିଟାଲର ଏକ୍ସପର୍ଟ ଆଡଭାଇସ ନେଇଥିଲେ । ଡାକ୍ତର ୟୁ ଜିୟାଙ୍ଗ କହିଛନ୍ତି, ଏହା ଖୁବ କ୍ୱଚିତ୍ ଦେଖାଦେଉଥିବା ସାଂଘାତିକ ଘଟଣା । ୨୧ ବର୍ଷ ହେବ ଏହାର ଚିକିତ୍ସା ନକରାଇବା ଏହାକୁ ଆହୁରି ଚିନ୍ତାଜନକ କରାଇପାରେ ।

୯ ଘଣ୍ଟାର ଅସ୍ତ୍ରୋପଚାର

ଡାକ୍ତର ୟୁ ଏବଂ ତାଙ୍କ ଟିମ୍ ୯ ଘଣ୍ଟା ଧରି ଅଜୁନଙ୍କ ପାଦର ଅପରେସନ କରିଥିଲେ ଏବଂ ଅପରେସନର ରେଜଲ୍ଟରେ ଅଜୁନ ଖୁବ ଖୁସି । ପିଲା ବେଳୁ ସେ ଜୋତା ପିନ୍ଧିବା ବନ୍ଦ କରିଦେଇଥିଲେ । ଅପରେସନ ପରେ ଅଜୁନ ସାଧାରଣ ଲୋକ ଭଳି ଜୋତା ପିନ୍ଧୁଛନ୍ତି ଏବଂ ସେ ଏବେ ଖୁବ ଖୁସିରେ ଅଛନ୍ତି ।

')}