ପୁରୀରେ 5T ସଚିବ, ବିଭିନ୍ନ ପ୍ରକଳ୍ପ କାର୍ଯ୍ୟର କଲେ ଅନୁଧ୍ୟାନ

ପୁରୀ: ପୁରୀରେ 5T ସଚିବ ଭିକେ ପାଣ୍ଡିଆନ । ପୁରୀ ଗସ୍ତରେ ଆସି ବିଭିନ୍ନ ପ୍ରକଳ୍ପ ନିର୍ମାଣ କାର୍ଯ୍ୟର ଅନୁଧ୍ୟାନ କରିଛନ୍ତି 5T ସଚିବ । ପ୍ରଥମେ ପୁରୀ ମାଳତିପାଟପୁର ବାଇପାସ୍ ଦେଇ ଶ୍ରୀସେତୁର ନିର୍ମାଣ କାର୍ଯ୍ୟକୁ ଅନୁଧ୍ୟାନ କରିଥିଲେ । କାର୍ଯ୍ୟର ଅଗ୍ରଗତି ସମ୍ପର୍କରେ ନିର୍ମାଣକାରୀ ସଂସ୍ଥାର ଅଧିକାରୀଙ୍କଠାରୁ ପଚାରି ବୁଝିଥିଲେ । ସେହିପରି ସମଙ୍ଗ ମୌଜା ଅଞ୍ଚଳରେ ନିର୍ମିତ ହେଉଥିବା ପାର୍କିଂକୁ ମଧ୍ୟ ସେ ବୁଲି ଦେଖିଥିଲେ । ଏହି ପାର୍କିଂର କ୍ଷମତା ସମ୍ପର୍କରେ ପଚାରି ବୁଝିବା ସହିତ କାର୍ଯ୍ୟ ନେଇ ଅନୁଧ୍ୟାନ କରିଥିଲେ ।

ଏହା ପରେ ବାସେଳିସାହି ଥାନା ନିକଟରେ ନିର୍ମାଣ କରାଯାଉଥିବା ଯାତ୍ରୀ ନିବାସ ଅଞ୍ଚଳ ବୁଲି ଦେଖିବା ସହ ଏହାର ନିର୍ମାଣ କାର୍ଯ୍ୟ ସମ୍ପର୍କରେ ତଦାରଖ କରିଥିଲେ । ରାଜ୍ୟ ସରକାରଙ୍କ ଦ୍ୱାରା ପୁରୀରେ କରାଯାଉଥିବା ବିଭିନ୍ନ ବିକାଶମୂଳକ ପ୍ରକଳ୍ପର ଅନୁଧ୍ୟାନ 5T ସଚିବ ନିଜେ କରୁଥିବା ବେଳେ, ପୁରୀକୁ ଐତିହ୍ୟ ନଗରୀ ଭାବେ ଗଢ଼ି ତୋଳିବା ଦିଗରେ ମୁଖ୍ୟମନ୍ତ୍ରୀଙ୍କ ସ୍ବପ୍ନ ସାକାର ହୋଇଛି ।