ପୁଅ ଏନକାଉଣ୍ଟର ଖବର ଶୁଣି ଅଦାଲତରେ କାନ୍ଦିଲା ଅତିକ୍

ଲକ୍ଷ୍ନୗେ: ଉମେଶ ପାଲ ହତ୍ୟାକାଣ୍ଡରେ ୟୁପି ପୋଲିସକୁ ବଡ ସଫଳତା।  ମୋଷ୍ଟ ୱାଣ୍ଟେଡ୍ ଗ୍ୟାଙ୍ଗଷ୍ଟାର ଅତିକର ପୁଅ ଅସଦ ଓ ସୁଟର ଗୁଲାମ ମହମ୍ମଦକୁ ଏନକାଉଣ୍ଟର କରାଯାଇଛି । ଏହି ଏନକାଉଣ୍ଟର  ଝାନ୍ସିର ବଡଗାଁଓର ପରିଛା ଡ୍ୟାମ୍ ପାଖରେ ହୋଇଛି ।  ଦୁଇ ଜଣଙ୍କ ଉପରେ ପାଞ୍ଚ ପାଞ୍ଚ ଲକ୍ଷର ପୁରସ୍କାର ରାଶି ଥିବା ବେଳେ ସେମାନଙ୍କ ନିକଟରୁ ବିଦେଶୀ ହତିଆର ମଧ୍ୟ ମିଳିଥିଲା

ଫେବୃଆରୀ ୨୪ ଉମେଶ ପାଲ ହତ୍ୟାକାଣ୍ଡ ପରେ ଦୁହେଁ ଫେରାର ଥିଲେ । ଦୁଇ ଅପରାଧୀଙ୍କୁ ଧରିବା ପାଇଁ STF ଲଗାତାର ଟ୍ରେସ୍ କରୁଥିଲା । ଏନେଇ STF ଡିଆଇଜି ଅନନ୍ତ ଦେବ କହିଛନ୍ତି, ଅସଦ ଓ ମକସୁଦକୁ  ଆମ ଟିମ୍ ଏନକାଉଣ୍ଟର କରିଛି । ସେମାନଙ୍କ ନିକଟରୁ ପିସ୍ତଲ, ରିଭଲବର୍ ଓ ବିଦେଶୀ ହତିଆର ଜବତ ହୋଇଛି।

ଗୋଟିଏ ପଟେ ଉମେଶ ପାଲ ହତ୍ୟାକାଣ୍ଡରେ ଅତିକ ଅହମ୍ମଦ ଓ ଅସରଫକୁ ଆଜି କୋର୍ଟରେ ହାଜର କରାଯାଇଛି  । ଅନ୍ୟପଟେ ପୁଅ ଓ ତା ସହଯୋଗୀକୁ ଏନକାଉଣ୍ଟର କରାଯାଇଛି । ଦିନ ଦ୍ବିପ୍ରହରରେ ଉମେଶ ପାଲଙ୍କୁ ହତ୍ୟା କରିଥିବା ଗୁଲାମଙ୍କୁ ବି ଆଜାଦ୍‌ କରିଛି ୟୁପି ପୋଲିସ  । ତେବେ ପୁଅର  ଏନକାଉଣ୍ଟର ଖବର ଶୁଣି ଅଦାଲତରେ କାନ୍ଦିଲା ଅତିକ୍ । ସେତେବେଳକୁ କୋର୍ଟ ପରିସରରେ ଅତିକ ଅହମ୍ମଦ ମୁର୍ଦାବାଦ ଓ ଉମେଶ ପାଲ ଅମର ରହେ, ନାରାବାଜି ଆରମ୍ଭ ହୋଇଯାଇଥିଲା ।

ଏହି ଘଟଣାରେ ଉମେଶ ପାଲର ମା’ କହିଛନ୍ତି, ମୋ ପୁଅକୁ ବିଚ୍‌ ରାସ୍ତାରା ଗୁଳି ମାରିଦେଇଥିଲେ । ଆଜିର ଘଟଣାରେ ଆମକୁ ଟିକେ ଶାନ୍ତି ମିଳିଛି । ମୋ ପୁଅର ହତ୍ୟାକାରୀଙ୍କୁ ସେମାନଙ୍କ ପାପର ଦଣ୍ଡ ମିଳିଛି । ଅନ୍ୟପଟେ ଶୁଣାଣି ପରେ CJM କୋର୍ଟ ଅତିକ ଓ ଅତିକ ୧୪ ଦିନର ନ୍ୟାୟିକ ହେପାଜତକୁ ପଠାଇ ଦେଇଛି । ଏବେ ଦୁହେଁ ନୈନି ଜେଲରେ ବନ୍ଦ ରହିବେ ।

ଗତ ଫେବୃଆରୀ ୨୪ରେ ପ୍ରୟାଗରାଜରେ ରାଜୁପାଲ ହତ୍ୟାକାଣ୍ଡର ସାକ୍ଷୀ ଉମେଶ ପାଲ୍‌ଙ୍କୁ ବିଚ୍‌ ବଜାରରେ ଗୋଡାଇ ଗୋଡାଇ ଗୁଳି କରି ହତ୍ୟା କରାଯାଇଥିଲା  । ଉମେଶ ପାଲ ସମେତ ତାଙ୍କର ଦୁଇ ସରକାରୀ ଅଙ୍ଗରକ୍ଷୀ ବି ପ୍ରାଣ ହରାଇଥିଲେ।

ଉମେଶ ପାଲ ହତ୍ୟାକାଣ୍ଡରେ ୟୁପି ପୋଲିସ ୪ ଜଣଙ୍କୁ ଏନକାଉଣ୍ଟର କରିସାରିଲାଣି । ୨୭ ଫେବୃଆରୀ ପ୍ରୟାଗରାଜରେ ପ୍ରଥମ ଏନକାଉଣ୍ଟର ହୋଇଥିଲା । ଏହି ଏନକାଉଣ୍ଟରରେ ଅରବାଜର ମୃତ୍ୟୁ ହୋଇଥିଲା । ସେହିପରି ମାର୍ଚ୍ଚ ୬, ୨ୟ ଏନକାଉଣ୍ଟରରେ ଓସ୍ମାନର ପ୍ରାଣବାୟୁ ଉଡିଯାଇଥିଲା । ସେହପିରି ଅତିକର ପରିବାରକୁ ସହଯୋଗ କରୁଥିବା  ୩ ଅଭିଯୁକ୍ତ ଓ ସମ୍ପର୍କୀୟଙ୍କ ଘରେ ବୁଲଡୋଜର ଚଢାଇଥିଲେ ୟୁପି ସରକାର ।