୨୦୨୪ ସାଧାରଣ ନିର୍ବାଚନ ପୂର୍ବରୁ ବିରୋଧୀଙ୍କ ମହାମେଳି, ଆଜି ଶରଦ ପାଓ୍ବାରଙ୍କ ଘରେ ଗୁରୁତ୍ବପୂର୍ଣ୍ଣ ବୈଠକ

ନୂଆଦିଲ୍ଲୀ: ୨୦୨୪ ସାଧାରଣ ନିର୍ବାଚନ ପୂର୍ବରୁ ବିରୋଧୀଙ୍କ ମହାମେଳି । ଆଜି ଏନସିପି ସୁପ୍ରିମୋ ଶରଦ ପାଓ୍ବାରଙ୍କ ଘରେ ଗରୁତ୍ବପୂର୍ଣ୍ଣ ବୈଠକ । ବିରୋଧୀ ମହାମେଣ୍ଟ ଓ ଇଭିଏମକୁ ନେଇ ପାଓ୍ବାରଙ୍କ ଘରେ ଏକାଠି ହେବେ ତମାମ ବିରୋଧୀ ଦଳ ନେତା । ସନ୍ଧ୍ୟା ୬ଟାରେ ବୈଠକ ବସିବ ବୋଲି ଜଣାପଡ଼ିଛି । ସ୍ବଚ୍ଛ ଓ ନିରପେକ୍ଷ ନିର୍ବାଚନ ପାଇଁ ଇଭିଏମର ଦକ୍ଷତା ଓ ଇଭିଏମକୁ ନେଇ ରହିଥିବା ସନ୍ଦେହକୁ ସିଇସି ଦୂର କରନ୍ତୁ ବୋଲି ପାଓ୍ବାର କହିଛନ୍ତି ।

୨୦୨୪ ଫାଇନାଲ ମ୍ୟାଚ ପୂର୍ବରୁ ଚଳିତବର୍ଷ ୬ ରାଜ୍ୟରେ ହେବାକୁ ଥିବା ବିଧାନସଭା ନିର୍ବାଚନକୁ ସେମି ଫାଇନାଲ ମ୍ୟାଚ ବୋଲି କୁହାଯାଉଛି । ଏହି ୬ ରାଜ୍ୟର ନିର୍ବାଚନ ଫଳାଫଳ ଆଗାମୀ ଲୋକସଭା ନିର୍ବାଚନର ଫଳାଫଳକୁ ଏକ ପ୍ରକାର ସ୍ପଷ୍ଟ କରିବ । ସେପଟେ ବିଜେପି ବିରୋଧରେ ବିରୋଧୀ ମହାମେଣ୍ଟର ନେତୃତ୍ବ କଂଗ୍ରେସକୁ ଦେବାକୁ କିଛି ଦଳର ଅସହମତି ଥିବା ବେଳେ ଟିଏମସି, ସମାଜବାଦି ପାର୍ଟି ଓ ବିଆରଏସ କିଛି ଭିନ୍ନ ଯୋଜନା କରୁଥିବା ଚର୍ଚ୍ଚା ହେଉଛି ।