ଦିନକୁ ଗାଇ ଦେବ ୧୪୦ ଲିଟର କ୍ଷୀର 

ନନ୍ଦିଘୋଷ ବ୍ୟୁରୋ: ଦିନକୁ ଗାଇ ଦେବ ୧୪୦ ଲିଟର କ୍ଷୀର  । ଜୀବନ କାଳ ଭିତରେ ଦେବ ୧୦୦ ଟନ୍ ବା ୨ ଲକ୍ଷ ୮୩ ହଜାର ଲିଟର କ୍ଷୀର  । ଏମିତି ଗାଇ ପ୍ରସ୍ତୁତ କରିଛି ଚାଇନା  । ପ୍ରତିଟି କ୍ଷେତ୍ରରେ  ଚାଇନା ଯେଉଁଭଳି ପ୍ରଯୁକ୍ତି ବିଦ୍ୟାରେ ଆଗଉଛି  । କ୍ଷୀର ଉତ୍ପାଦନରେ ମଧ୍ୟ ଆଗେଇବ ଚୀନ  । ଏମିତି ଅଜବ ଧରଣର ଏକ୍ସିପେରିମେଣ୍ଟ କରି ତିଆରି କରିଛି ଗାଇ  । ଯେଉଁ ଗାଇ ଦେବେ ଭରପୁର କ୍ଷୀର  । ଚୀନଲ ବୈଜ୍ଞାନିକ ଦାବି କରିଛନ୍ତି ଯେ, ସେମାନେ କ୍ଲୋନି ଜରିଆରେ ୩ ସୁପର କାଓ ପ୍ରସ୍ତୁତ କରିଛନ୍ତି  । ଏହି ସୁପର ଗାଇ ଦେବେ ଦିନକୁ ୧୪୦ ଲିଟର କ୍ଷୀର  ।

ନର୍ଥୱେଷ୍ଟ ଯୁନିଭର୍ସିଟର ବୈଜ୍ଞାନିକମାନେ ଏଭଳି ଏକ୍ସୁପେରିମେଣ୍ଟ କରିଛନ୍ତି  । ଦୁଇମାସ ତଳେ ବାଛୁରୀ ଜନ୍ମ ହୋଇଥିଲା  । ଏହି ସୁପର କାଓ ନେଦରଲ୍ୟାଣ୍ଡସରୁ ଆସୁଥିବା ହୋଲଷ୍ଟିନ୍ ଫ୍ରିସିଅନରୁ କ୍ଲୋନିଂ କରାଯାଇଛି  ।  ବିନା ଯୌନଗତ ପକ୍ରିୟାରେ ଏକ ଜୀବନରୁ ଅନ୍ୟ ଉପାୟରେ ଆଉ ଏକ ଜୀବକୁ ପ୍ରସ୍ତୁତ ହେଉଥିବା ପକ୍ରିୟାକୁ କ୍ଲୋନିଂ କୁହାଯାଏ  । ବୈଜ୍ଞାନିକମାନେ ଏକ ଜୀବର ଜିଏନଏ ନେଇ ଏହା ସାହାର୍ଯ୍ୟରେ ତାହାର ପ୍ରତିରୂପ ପ୍ରସ୍ତୁତ କରିଥାନ୍ତି    । ଏହି ସମୟରେ ବୈଜ୍ଞାନିକମାନେ ନିଜ ହିସାବରେ ଜିନରେ ପରିବର୍ତ୍ତନ କରିଥାଆନ୍ତି ଷ ଯାହା ଦ୍ୱାରା ଏହି ଜୀବନ ଅନ୍ୟ ସାଧାରଣ ଜୀବନ ତୁଳନାରେ ଅଧିକ ଲାଭଦାୟକ ହୋଇଥାଏ  ।

ଭଲ ପ୍ରଜାତିର ଗାଇର କୋଷକୁ ସଂଗ୍ରହ କରାଯାଇ ସେଥିରୁ ଭ୍ରୁଣ ପ୍ରସ୍ତୁତ କରାଯାଇଥିଲା  । ପରେ ତାହାକୁ ୧୨୦ ଗାଇଙ୍କ ଠାରେ ଛଡାଯାଇଥିଲା  । ଏହି ଗାଇଗୁଡ଼ିକ ମଧ୍ୟରେ ୪୨ ପ୍ରତିଶତ ଗର୍ଭବତୀ ହୋଇଥିଲେ  । ଏବେ ୩ଟି ସୁପରଜକାଓ ଜନ୍ମ ନେଇସାରିଥିବାବେଳେ ଆଗାମୀ ଦିନରେ ବଳକା ଗାଇଗୁଡ଼ିକ ପ୍ରସବ କରିବେ  । ଗୋଟିଏ ସୁପରକାଓ ବରହ୍ଷକୁ ୧୮ ଟନ୍ କ୍ଷୀର ଦେବାରେ ସକ୍ଷମ  । ଏହା ଆମେରୀକୟ ସାଧାରଣ ଗାଇ ତୁଳନାରେ ୧.୭ ପ୍ରତିଶତ ଅଧିକ  ।  ଆଗାମୀ ୧୦ ବର୍ଷ ଭିତରେ ଆଉ ୧୦ ହଜାର ସୁପର କାଓ ଜନ୍ମ କରାଯିବ  ବୋଲି କହିଛନ୍ତି ପ୍ରୋଜେକ୍ଟ ମୁଖ୍ୟ  ।