ହକି ବିଶ୍ୱକପ୍-୨୦୨୩: ଚିଲିକୁ ୧୪-୦ ଗୋଲରେ ହରାଇଲା ନେଦରଲାଣ୍ଡସ

ଭୁବନେଶ୍ୱର: ହକି ବିଶ୍ବକପରେ ନେଦରଲାଣ୍ଡସର ବିଶ୍ବ ରେକର୍ଡ ବିଜୟ । 14-0 ଗୋଲରେ ନେଦରଲାଣ୍ଡସ ବିଜୟୀ ହୋଇ ଇତିହାସ ରଚିଛି । କଳିଙ୍ଗରେ ଚିଲିକୁ ଶୋଚନୀୟ ହରାଇଲା ନେଦରରଲାଣ୍ଡସ । ଅଷ୍ଟ୍ରେଲିଆର ରେକର୍ଡ ଭାଙ୍ଗିଲା ନେଦରଲାଣ୍ଡସ । ୨୦୧୦ରେ ଦକ୍ଷିଣଆଫ୍ରିକାକୁ ୧୨-୦ରେ ହରାଇଥିଲା ଅଷ୍ଟ୍ରେଲିଆ । ଏହି ବିଜୟ ସହ ନେଦରଲ୍ୟାଣ୍ଡସ ପ୍ରଥମ ଦଳ ଭାବେ କ୍ୱାଟର ଫାଇନାଲରେ ପ୍ରବେଶ କରିଛି । ପୁଲ୍-ସି ରୁ ନେଦରରଲାଣ୍ଡସ କ୍ୱାଟର ଫାଇନାଲକୁ ଯାଇଛି ।

ସନ୍ଧ୍ୟା ୫ଟାରୁ ସ୍ପେନ୍ ଏବଂ ଇଂଲଣ୍ଡ ମଧ୍ୟରେ ମ୍ୟାଚ୍ ଖେଳାଯାଉଛି । ଅନ୍ୟପକ୍ଷରେ ସନ୍ଧ୍ୟା ୭ଟାରେ କଳିଙ୍ଗରେ ହାଇଭୋଲ୍ଟେଜ ମ୍ୟାଚ୍ ରହିଛି । ଘରୋଇ ଭାରତ ୱେଲ୍ସକୁ ଭେଟିବ । କ୍ୱାଟର ଫାଇନାଲରେ ରହିବାକୁ ହେଲେ ଭାରତକୁ ବଡ଼ ବ୍ୟବଧାନରେ ୱେଲ୍ସକୁ ପରାଜିତ କରିବାକୁ ପଡ଼ିବ । ଗ୍ରୁପ-ଡିର ପଏଣ୍ଟ ତାଲିକାରେ ପ୍ରଥମ ସ୍ଥାନରେ ରହିଛି ଇଂଲଣ୍ଡ ଓ ଦ୍ୱିତୀୟ ସ୍ଥାନରେ ରହିଛି ଭାରତ । ଯଦି ସ୍ପେନଠାରୁ ଇଂଲଣ୍ଡ ହାରିଯାଏ ତେବେ ଭାରତ ପାଇଁ କ୍ୱାଟରଫାଇନାଲ ଯିବା ରାସ୍ତା ସୁଗମ ହେବ ।