ବାଂଲାଦେଶ-ଭାରତ ଶେଷ ଦିନିକିଆ: ପ୍ରଥମେ ବ୍ୟାଟିଂ କରୁଛି ଟିମ୍ ଇଣ୍ଡିଆ

ଚଟୋଗ୍ରାମ: ଭାରତ ଏବଂ ବାଂଲାଦେଶ ମଧ୍ୟରେ ତୃତୀୟ ତଥା ଶେଷ ଦିନିକିଆ ମ୍ୟାଚ ଚଟୋଗ୍ରାମରେ ଚାଲିଛି । ତିନି ମ୍ୟାଚ ବିଶିଷ୍ଟ ସିରିଜରେ ଭାରତ ପ୍ରଥମ ଦୁଇଟି ମ୍ୟାଚରେ ପରାଜିତ ହୋଇଛି । ଆଜି ସମ୍ମାନ ରକ୍ଷା ପାଇଁ ଟିମ ଇଣ୍ଡିଆ ଖେଳୁଛି । ସେହିପରି କ୍ଲିନ ସ୍ୱିପ୍ କରିବାର ଲକ୍ଷ୍ୟ ରଖିଛି ବାଂଲାଦେଶ । ଆଜିର ମ୍ୟାଚରେ ପ୍ରଥମେ ଟସ୍ ଜିତି ବାଂଲାଦେଶ ବୋଲିଂ ନିଷ୍ପତ୍ତି ନେଇଛି । ସେହିପରି ଆହ୍ୱାନ କ୍ରମେ ଭାରତ ବ୍ୟାଟିଂ କରୁଛି । ଭାରତ ପକ୍ଷରୁ ଶିଖର ଧୱନ ଓ ଇଶାନ କିଷାନ କ୍ରୀଜକୁ ଓହ୍ଲାଇଛନ୍ତି । ତେବେ ଆରମ୍ଭରୁ ଭାରତ ଟିକେ ଧିମା ଆରମ୍ଭ କରିଛି । ଅନ୍ୟପକ୍ଷରେ ଆଘାତ କାରଣରୁ ଆଜିର ମ୍ୟାଚ ଖେଳୁନାହାନ୍ତି ରୋହିତ ଶର୍ମା । ଭାରତୀୟ ଦଳର କମାନ ସମ୍ଭାଳୁଛନ୍ତି କେଏଲ ରାହୁଲ ।

ବାଂଲାଦେଶ: ଏନାମୁଲ ହକ୍, ଲିଟନ ଦାସ (ଅଧିନାୟକ), ୟାସିର ଅଲୀ, ଶାକିବ ଅଲ ହସନ, ମୁଫିକୁର ରହିମ (ୱିକେଟକିପର), ମହମୁଦୁଲ୍ଲାହ, ଅଫିପ ହୁସେନ, ମେହଦୀ ହସନ ମିରାଜ, ଇବାଦତ ହୁସେନ, ମୁସ୍ତାଫିଜୁର ରେହମାନ, ତକ୍ସିନ ଅହମଦ ।

ଭାରତ: ଶିଖର ଧୱନ, ଇଶାନ କିଷାନ, ବିରାଟ କୋହଲି, ଶ୍ରେୟସ ଆୟର, କେଏଲ ରାହୁଲ (ଅଧିନାୟକ/ୱିକେଟକିପର), ୱାଶିଂଟନ ସୁନ୍ଦର, ଅକ୍ଷର ପଟେଲ, ଶ୍ରାଦ୍ଧୁଲ ଠାକୁର, କୁଲଦୀପ ଯାଦବ, ମହମ୍ମଦ ସିରାଜ, ଉମରାନ ମଲିକ ।