ଟୁଇନସିଟିରେ ସ୍କୁଲରେ ଖୋଲିଲା ସାଇବର ସିକ୍ୟୁରିଟି କ୍ଲବ

ଭୁବନେଶ୍ୱର : ସାଇବର ଠକଙ୍କୁ ପାନେ ଦେବେ ସ୍କୁଲ ଛାତ୍ରଛାତ୍ରୀ । ଟୁଇନସିଟିରେ ସ୍କୁଲରେ ଖୋଲିଲା ସାଇବର ସିକ୍ୟୁରିଟି କ୍ଲବ । ରାଜଧାନୀର ବିଭିନ୍ନ ସ୍କୁଲରେ ଆରମ୍ଭ ହେଲା ସାଇବର ସଚେତନତା କାର୍ଯ୍ୟକ୍ରମ । ପୋଲିସ କମିଶନରଙ୍କ ଅଧ୍ୟକ୍ଷତାରେ କାର୍ଯ୍ୟକ୍ରମ ଆରମ୍ଭ କରିଯାଇଛି । ଡିସିପି ଓ ବରିଷ୍ଠ ପୋଲିସ ଅଧିକାରୀଙ୍କ ଉପସ୍ଥିତିରେ ସିକ୍ୟୁରିଟି କ୍ଲର ଶୁଭାରମ୍ଭ କରାଯାଇଛି । ଏଥିରେ ପିଲାଙ୍କ ସହ ସ୍କୁଲ କର୍ମକର୍ତ୍ତାଙ୍କୁ କରାଯାଇଛି ସଚେତନ ।

ନୂଆ ଅଭିଯାନ ଦ୍ବାରା କମିଶନରେଟ ପୋଲିସ ଲିଙ୍କରେ ରହିବ ହ୍ବାଟ୍ସଆପ ଗ୍ରୁପ୍ । ଟ୍ରାଫିକ, ନିଶା କାରବାର, ଆତ୍ମହତ୍ୟା ଉପରେ ପିଲାଙ୍କୁ କରାଯିବ ସଚେତନ । କମିଶନରେଟ ପୋଲିସ ପକ୍ଷରୁ ଏକ ସ୍ପେଶାଲ ଟିମ୍ ଗଠନ ହେବ । ପ୍ରତ୍ୟକ ସ୍କୁଲରେ ସାଇବର ଅପରାଧ ସହିତ ଟ୍ରାଫିକ, ନିଶା କାରବାର, ଆତ୍ମହତ୍ୟା ପ୍ରବଣତା, ବାଲ୍ୟ ବିବାହ ଉପରେ ପିଲାଙ୍କୁ ସଚେତନ କରାଯିବ । କିଛିଦିନ ତଳେ ସାଇବର ପାଠ୍ୟକ୍ରମକୁ କଲେଜ ଓ ସ୍କୁଲ ସ୍ତରରେ ଲାଗୁ କରିବାକୁ ଖସଡ଼ା ପ୍ରସ୍ତୁତ କରିଛନ୍ତି ସରକାର ।