ସର୍ଭର ଅଚଳ ଯୋଗୁଁ ବିମାନ ବନ୍ଦରରେ ଯାତ୍ରୀଙ୍କ ହରକତ୍
ମୁମ୍ବାଇ: ସର୍ଭର କ୍ରାସ ପରେ ମୁମ୍ବାଇ ବିମାନବନ୍ଦରରେ ବ୍ୟାପକ ବିଶୃଙ୍ଖଳା । ଟର୍ମିନାଲ ୨ରେ ଦେଖାଦେଇଛି ନାହିଁ ନଥିବା ଅବସ୍ଥା । ଶହ ଶହ ଯାତ୍ରୀ ହୋଇଛନ୍ତି ହରକତ । ସର୍ଭର ଅଚଳ ହେବା ପରେ ବହୁ ବିମାନ ଯାତ୍ରୀ ଚେକ୍ ଇନ କରିବା କ୍ଷେତ୍ରରେ ବିଫଳ ହୋଇଥିଲେ । ସର୍ଭର ଅଚଳ ହେବା ପରେ ଶତାଧିକ ଯାତ୍ରୀ ସମସ୍ୟାରେ ପଡିବା ସହ ଚେକ୍ ଇନ ଲାଗି ଅଧିକ ସମୟ ଦାବିରେ ନାରାବାଜି କରିଥିଲେ ।
ତେବେ ସମସ୍ୟାର ସମାଧାନ କରାଯାଉଛି ଏବଂ ଯାତ୍ରୀଙ୍କ ସୁବିଧା ପ୍ରତି ଧ୍ୟାନ ଦିଆଯିବ ବୋଲି ମୁମ୍ବାଇ ଆନ୍ତର୍ଜାତିକ ବିମାନ ବନ୍ଦର କର୍ତ୍ତୃପକ୍ଷ ପ୍ରତିଶ୍ରୁତି ଦେବା ପରେ ସ୍ଥିତି ସ୍ବାଭାବିକ ହୋଇଥିଲା । କେତେକ ବିମାନର ସମୟ ନିର୍ଘଣ୍ଟ ବି ବଦଳିଥିବା କୁହାଯାଇଛି । ସମୟ ବଦଳିଥିବାରୁ ଯାତ୍ରୀଙ୍କ ମଧ୍ୟରେ ଅସନ୍ତୁଷ୍ଟ ଦେଖିବାକୁ ମିଳିଥିଲା । ପରବର୍ତ୍ତୀ ସମୟରେ ସ୍ଥିତି ସ୍ୱଭାବିକ ହୋଇଥିଲା ।
