କଟକ: ଉଦଯାପିତ ହେଲା କଟକ ଐତିହାସିକ ବାଲିଯାତ୍ରା । ଉତ୍ସବରେ ରେକର୍ଡ ପରିମାଣର ବ୍ୟବସାୟ ହୋଇଛି । ମେଳାର ତଳ ପଡ଼ିଆରେ ଆୟୋଜିତ ଜାତୀୟସ୍ତରୀୟ ପଲ୍ଲିଶ୍ରୀ ମେଳାରେ ୧୦ ଦିନ ମଧ୍ୟରେ ୨୦ କୋଟିରୁ ଅଧିକ ଟଙ୍କାର ବ୍ୟବସାୟ ହୋଇଛି। ଏଥର ଓରମାସ ମେଳାରେ ୪୬୦ ଷ୍ଟଲ ଖୋଲିଥିଲା।
ମିଶନ ଶକ୍ତି, ନାବାର୍ଡ, ମହିଳା ସ୍ବୟଂ ସହାୟକ ଗୋଷ୍ଠୀ ଓ ବିଭିନ୍ନ ବେସରକାରୀ ସଂସ୍ଥା ଭାଗ ନେଇଥିଲେ। ମେଳାରେ ପ୍ରାୟ ୧୬ରୁ ଅଧିକ ନୂତନ ସାମଗ୍ରୀକୁ ପ୍ରମାଣପତ୍ର ଦିଆଯାଇଥିଲା। ୨୦୧୯ରେ ଏହି ମେଳାରୁ ୧୫ କୋଟିରୁ ଅଧିକ ଟଙ୍କାର ବ୍ୟବସାୟ ରେକର୍ଡ଼ କରାଯାଇଥିବା ବେଳେ, ଏଥର ଏହି ରେକର୍ଡ ଭାଙ୍ଗିଛି। ଆସନ୍ତାବର୍ଷ ଏହି ମେଳାକୁ ଆହୁରି ଅଧିକ ନୂତନ ସାମଗ୍ରୀ ଅଣାଯିବା ସହିତ ମହିଳାଙ୍କ ଉତ୍ପାଦକୁ ବିକ୍ରି ପାଇଁ ଅଧିକ ପ୍ରୋତ୍ସାହନ ଦିଆଯିବ।
