ମୟୂରଭଞ୍ଜ: ସ୍ତ୍ରୀକୁ ପିଟି ପିଟି ମାରିଦେଲା ସ୍ବାମୀ । ଚରିତ୍ର ସନ୍ଦେହରେ ସ୍ତ୍ରୀକୁ ହତ୍ୟାକଲା ସ୍ବାମୀ । ଏପରି ଅଭାବନୀୟ ଘଟଣା ଘଟିଛି ବାଙ୍ଗିରିପୋଷି ବ୍ଲକ ବଡ଼ଗାଁ ପଞ୍ଚାୟତ ପଣସଡିହା ଗାଁରେ ।
ସେହି ଗାଁର କିଶାନ ସିଂ ସୁରୁ ସିଂ ନାମକ ଯୁବତୀଙ୍କୁ ବିବାହ କରିଥିଲେ । କିଶାନ ମାଛ ବେପାର ସାରି ରାତିରେ ଘରକୁ ଫେରି ସ୍ତ୍ରୀ ସୁରୁଙ୍କୁ ଅନ୍ୟ ଜଣେ ଯୁବକଙ୍କ ସହ ଦେଖିଥିଲେ। କିଶାନଙ୍କୁ ଦେଖି ଯୁବକ ଜଣକ ସେଠାରୁ ଦୌଡ଼ି ଚାଲିଯାଇଥିଲେ।
ସ୍ତ୍ରୀ ସୁରୁର ଚରିତ୍ରକୁ ସନ୍ଦେହ କରି କିଶାନ ତାଙ୍କୁ ବାଡ଼ିରେ ଭିଷଣ ପିଟିଥିଲେ। ଫଳରେ ଗର୍ଭବତୀ ଥିବା ସୁରୁଙ୍କ ମୃତ୍ୟୁ ଘଟିଥିବା ପ୍ରାଥମିକ ତଦନ୍ତରୁ ଜଣାପଡ଼ିଛି।
ତେବେ ଅଭିଯୁକ୍ତ ସ୍ବାମୀ ହତ୍ୟା କରିଥିବା ସ୍ବିକାର କରିଛି। ଆଜି ସାଇଣ୍ଟିଫିକ ଟିମ୍ ସହିତ ମାଜିଷ୍ଟ୍ରେଟଙ୍କ ଉପସ୍ଥିତିରେ ତଦନ୍ତ କଲା ପରେ ଶବ ଵ୍ୟବଛେଦ ପାଇଁ ପଠାଯିବ ବୋଲି ପୋଲିସ୍ ପକ୍ଷରୁ ସୂଚନା ରହିଛି।
