୩୨ ବର୍ଷୀୟ ଯୁବତୀ ପ୍ରେମରେ ୬୬ ବର୍ଷର ଅରବପତି

ନୂଆଦିଲ୍ଲୀ: ୩୨ ବର୍ଷୀୟ ଯୁବତୀ ପ୍ରେମରେ ପଡିଛନ୍ତି ୬୬ ବର୍ଷର ଅରବପତି । ଯାହାକୁ ନେଇ ଚର୍ଚ୍ଚା ଜୋର୍ ଧରିଛି । ଏହି ବିଲେନିଅର ନିଜ ପତ୍ନୀଙ୍କ ସହ ୨୦ ବର୍ଷର ସମ୍ପର୍କକୁ ଭାଙ୍ଗିବାକୁ ପଛାଇନାହାଁନ୍ତି ।

ସୂଚନା ଅନୁଯାୟୀ, ବିଲେନିଅରଙ୍କ ନାମ ହେଉଛି ଜନ୍ ପଲସନ୍। ଫୋର୍ବସ୍ ରିପୋର୍ଟ ଅନୁସାରେ ଜନଙ୍କ ମୋଟ୍ ସମ୍ପତ୍ତି  (£2.6billion)। ଅନ୍ୟଏକ ରିପୋର୍ଟ ଅନୁସାରେ ଆମେରିକାର ଜନ୍ ହେଲଥ ଇନଫ୍ଲୁଏସର୍ ଅଲିନା ଡି ଅଲମେଡାଙ୍କ ପ୍ରେମରେ ପଡିଛନ୍ତି । ଅନେକ ଥର ମେନହଟ୍ଟନ ସ୍ଥିତ ତାଙ୍କ ଆଲିଶାନ ଘରେ ନଜର ଆସିଛନ୍ତି। ନିକଟରେ ଏହି କପଲ୍ ନ୍ୟୁୟର୍କର ମେୟର ଏରିକ୍ ଏଡମ୍ସଙ୍କ ସହ ବୁଲାବୁଲି କରୁଥିବାର ନଜର ଆସିଥିଲେ।

ଅଲିନାଙ୍କ ନିଜର ବିଜନେସ୍ ରହିଛି, ସେ ଲୋକଙ୍କୁ ଡାଏଟ୍ ପ୍ଲାନ୍ ବତାଇଥାନ୍ତି । ଜନ୍ ସତରେ ଅଲିନାଙ୍କୁ ବିବାହ କରିବାକୁ ଚାହୁଁଥିବା ବେଳେ ସନ୍ତାନ ମଧ୍ୟ ଆଶା ରଖିଥିବା ଏକ ମିଡିଆ ରିପୋର୍ଟରୁ ପ୍ରକାଶ ।

ତେବେ ଜନଙ୍କ ଛାଡପତ୍ର ମାମଲା ଅନେକ ଦିନ ହେବ ଅଟକି ରହିଛି । କାରଣ ଛାଡପତ୍ର ବଦଳରେ ପତ୍ନୀ ମାଗିଛନ୍ତି ୮୨ ଅରବ ଟଙ୍କା ($1billion)। ଜନଙ୍କ ପତ୍ନୀଙ୍କ ଓକିଲ ଅନୁଯାୟୀ, ସେଟେଲମେଣ୍ଟ ପାଇଁ ଜନ୍ ନିଜ ପତ୍ନୀ ଉପରେ ଚାପ ପକାଉଛନ୍ତି । ଯାହା ସମ୍ପୂର୍ଣ୍ଣ ଭୁଲ୍ ।