ଆଘାତ କାରଣରୁ ଚଳିତ ଏସିଆ କପରୁ ବାଦ ପଡ଼ିଲେ ରବୀନ୍ଦ୍ର ଜାଡେଜା

ଦୁବାଇ: ୟୁଏଇରେ ଚାଲିଥିବା ଚଳିତ ଏସିଆ କପରେ ଟିମ୍ ଇଣ୍ଡିଆକୁ ଲାଗିଛି ବଡ଼ ଝଟକା । ଆହତ କାରଣରୁ ଭାରତୀୟ ଦଳର ଅଲରାଉଣ୍ଡର ରବୀନ୍ଦ୍ର ଜାଡେଜା ଚଳିତ ଏସିଆ କପରୁ ବାଦ୍ ପଡ଼ିଛନ୍ତି । ଜାଡେଜାଙ୍କ ଡାହାଣ ଆଣ୍ଠୁରେ ଆଘାତ ଲାଗିଛି ଯାହା ଫଳରେ ସେ ଏହି ଟୁର୍ଣ୍ଣାମେଣ୍ଟରୁ ବାଦ୍ ପଡ଼ିଛନ୍ତି । ଆହତ ପରେ ଜାଡେଜା ଏବେ ବିସିସିଆଇ ମେଡିକାଲ ଟିମର ତତ୍ତ୍ୱାବଧାନରେ ଅଛନ୍ତି । ତେବେ ଚଳିତ ଏସିଆ କପରେ ଜାଡେଜାଙ୍କ ସ୍ଥାନରେ ଅକ୍ସର ପଟେଲଙ୍କୁ ଦଳରେ ସାମିଲ କରାଯାଇଛି ।

NEWS – Axar Patel replaces injured Ravindra Jadeja in Asia Cup squad.

More details here – https://t.co/NvcBjeXOv4 #AsiaCup2022

— BCCI (@BCCI) September 2, 2022

ଜାଡେଜା ଚଳିତ ଏସିଆ କପର ପ୍ରଥମ ମ୍ୟାଚରେ ପାକିସ୍ତାନ ବିପକ୍ଷରେ ୨୯ ବଲରେ ୩୫ ରନ କରି ଭାରତକୁ ବିଜୟ ଭେଟି ଦେବାରେ ଗୁରୁତ୍ୱପୂର୍ଣ୍ଣ ଭୂମିକା ତୁଲାଇଥିଲେ । ସେହିପରି ଦ୍ୱିତୀୟ ମ୍ୟାଚରେ ହଂକଂ ବିପକ୍ଷରେ ୪ ଓଭରରେ ୧୫ ରନ ଦେଇ ଗୋଟିଏ ଓ୍ୱିକେଟ ଅକ୍ତିଆର କରିଥିଲେ ।