ନୂଆଦିଲ୍ଲୀ: ୨୦୨୧ରେ ସର୍ବାଧିକ ନକଲି ଦୁଇ ହଜାର ଟଙ୍କିଆ ନୋଟ୍ ଜବତ ହୋଇଛି। ନ୍ୟାସନାଲ କ୍ରାଇମ ରେକର୍ଡସ ବ୍ୟୁରୋ ରିପୋର୍ଟ ଅନୁସାରେ ୬୦ ପ୍ରତିଶତ ଦୁଇ ହଜାର ଟଙ୍କିଆ ନକଲି ନୋଟ୍ ଜବତ ହୋଇଛି। ୨୦୨୧ରେ ୨୦ କୋଟିରୁ ଅଧିକ ଟଙ୍କାର ନକଲି ନୋଟ୍ ଜବତ ହୋଇଛି। ଏଥିପାଇଁ ବଜାରରୁ ୨ ହଜାର ଟଙ୍କାଙ୍କୁ ଆରବିଆଇ ଫେରାଇ ନେଉଥିବା ଚର୍ଚ୍ଚା ହୋଇଛି।
ଏଥିସହ ଏନସିଆରବି ରିପୋର୍ଟ ଅନୁସାରେ ୨୦୧୬ରେ ହୋଇଥିବା ବିମୁଦ୍ରିକରଣର ଲକ୍ଷ୍ୟ ମଧ୍ୟ ବିଫଳ ହୋଇଛି । ନକଲି ନୋଟର ଚେରକୁ ଧ୍ୱଂଶ କରିବା ପାଇଁ ସରକାର ବିମୁଦ୍ରିକରଣ କରିଥିଲେ। ହେଲେ ୨୦୧୬ ପରଠୁ ନକଲି ନୋଟ୍ କାରବାର ଅଧିକ ବଢିଛି। ବିଶେଷ କରି ନୂଆ କରି ଆରମ୍ଭ ହୋଇଥିବା ୨ ହଜାର ଟଙ୍କିଆ ନୋଟର ଅଧିକ ନକଲି କାରବାର ହେଉଛି। ୨୦୧୬ରୁ ୨୦୨୧ ପର୍ଯ୍ୟନ୍ତ ନକଲି ନୋଟର କାରବାର ଓ ଆକାର ପ୍ରତିବର୍ଷ ବଢୁଥିବା ଏନସିଆବି ରିପୋର୍ଟ ପ୍ରକାଶ କରିଛି ।
