ନୂଆଦିଲ୍ଲୀ: ମନି ଲଣ୍ଡରିଂ ଆକ୍ଟରେ ଇଡି ଅଧିକାରୀଙ୍କୁ ଦିଆଯାଇଥିବା ସ୍ବତନ୍ତ୍ର ଅଧିକାରକୁ ନେଇ ଗୁରୁବାର ଦିନ ଆଉ ଥରେ ସମୀକ୍ଷା କରିବେ ସୁପ୍ରିମକୋର୍ଟ। ସ୍ବତନ୍ତ୍ର ଅଧିକାର ଅନୁସାରେ, ଇଡିର ଅଧିକାରୀମାନେ ପୋଲିସ୍ ନ ହୋଇଥିଲେ ବି ଅର୍ଥ ହେରଫେର ମାମଲାରେ ଅଭିଯୁକ୍ତକୁ ଗିରଫ କରିପାରିବେ। ଗିରଫ ସମୟରେ କାରଣ ପ୍ରକାଶ କରିବାକୁ ସେମାନେ ବାଧ୍ୟ ନୁହନ୍ତି । ଏମିତିକି ଇସିଆଇଆର ବା ଏନଫୋର୍ସମେଣ୍ଟ କେସ୍ ଇନଫରମେସନ ରିପୋର୍ଟ କପି ଦେବାକୁ ମଧ୍ୟ ବାଧ୍ୟ ନୁହେଁ । ଏଭଳି ରାୟ ଦେଇ ସୁପ୍ରିମକୋର୍ଟ ଇଡିକୁ ଆହୁରି ସଶକ୍ତ କରିଥିଲେ।
କିନ୍ତୁ ଏହି ରାୟ ବିରୋଧରେ ଅନେକ ଆବେଦନ ହେବାରୁ କୋର୍ଟ ଏହାକୁ ଆଉ ଥରେ ବିଚାରବିମର୍ଶ କରିବାକୁ ନିଷ୍ପତ୍ତି ନେଇଛନ୍ତି। ସୁପ୍ରିମକୋର୍ଟଙ୍କ ରାୟ ଦ୍ବାରା ବେଶୀ ବିରୋଧୀ ଦଳ ନେତା ମାନେ ଆକ୍ରୋଶର ଶିକାର ହେବେ ବୋଲି ଆବେଦନ ହୋଇଥିଲା। କୌଣସି ଘଟଣାର ମିଛ କଣ ସତ କଣ ଜାଣିବା କଷ୍ଟକର ହୋଇପଡିବ । ପୂର୍ବରୁ ଏହି ମାମଲାର ଶୁଣାଣି ପାଇଁ ସୁପ୍ରିମ୍କୋର୍ଟରେ ୩ ଜଣ ବିଚାରପତିଙ୍କୁ ନେଇ ଏକ ବେଞ୍ଚ୍ ଗଠନ ହୋଇଥିଲା ।
