ପ୍ରବଳ ବର୍ଷାରେ ବୁଡିଲା ମୋ ବସ୍, ପହଁରିଲେ ଯାତ୍ରୀ
1 min read
ଜଟଣୀ: ପ୍ରବଳ ବର୍ଷାରେ ବେହାଲ ରାଜ୍ୟ । ବର୍ଷା ଯୋଗୁଁ ରାଜଧାନୀ ସମେତ ବିଭିନ୍ନ ସ୍ଥାନରେ ଜଳବନ୍ଦୀ ସ୍ଥିତି । ଖୋର୍ଦ୍ଧା ଜଟଣୀ ଅଣ୍ଡରପାସରେ 5 ଫୁଟ ଉପରେ ପାଣି ପ୍ରବାହିତ ହେଉଛି । ଯାହା ଫଳରେ ପାଣିରେ ବୁଡ଼ିଯାଇଛି ମୋ ବସ୍ । ବସ୍ଟି ଜଟଣୀରୁ ଭୁବନେଶ୍ବର ଆସୁଥିଲା ।
ବସ୍ କର୍ମଚାରୀ ଓ ଅଳ୍ପ କିଛି ଯାତ୍ରୀ ପାଣିରେ ପହଁରି ପହଁରି ଯାଉଥିବାର ଦୃଶ୍ୟ ସୋସିଆଡ ମିଡିଆରେ ଏବେ ଭାଇରାଲ ହେଉଛି । ସାମାନ୍ୟ ବର୍ଷାରେ ଏହି ଅଣ୍ଡରପାସରେ ପାଣି ଭର୍ତ୍ତି ହୋଇଯାଏ । ଏବେ ପ୍ରବଳ ବର୍ଷା ଯୋଗୁଁ ଅଣ୍ଡରପାସରେ 5 ଫୁଟ ଉପରେ ପାଣି ପ୍ରବାହିତ ହେଉଛି ।
ଆଜିଠୁ ୧୦ ତାରିଖ ଯାଏଁ ରାଜ୍ୟରେ କିଛି ଜିଲ୍ଲାରେ ହୋଇପାରେ ପ୍ରବଳରୁ ଅତି ପ୍ରବଳ ବର୍ଷା । ୮ ଓ ୯ ତାରିଖ ମଧ୍ୟରେ କିଛି ଜିଲ୍ଲାରେ ପ୍ରବଳ ବର୍ଷା ସମ୍ଭାବନା ରହିଛି । ୟୁନିଟ୍ -୮ ଡିଏଭି ସ୍କୁଲ ସାମ୍ନା ରାସ୍ତାରେ କୃତ୍ରିମ ବନ୍ୟା ପରିସ୍ଥିତି ସୃଷ୍ଟି ହୋଇଛି । ହଠାତ୍ ବର୍ଷା ଯୋଗୁ ପାଣି ଜମି ରହି ଯାତାୟତରେ ସମସ୍ୟା ଉପୁଜିଛି ।
