ନାଗାବଳୀ ନଦୀରେ ବୁଡିଗଲେ ଦୁଇ ଛାତ୍ର

ରାୟଗଡା: ନାଗାବଳୀ ନଦୀରେ ବୁଡିଗଲେ ଦୁଇ ଛାତ୍ର । 10 ଜଣ ଛାତ୍ର ମଧ୍ୟାହ୍ନରେ ତୁମ୍ବୀଗୁଡ଼ା ସ୍ଥିତ ନାଗାବଳୀ ନଦୀକୁ ଗାଧାଇବା ପାଇଁ ଯାଇଥିଲେ । ଛୁଟିରେ ନଦୀ ପାଣି ମଜା ନେଉଥିବାବେଳେ ଦୁଇଜଣ ବୁଡିଯାଇଥିଲେ । ସମସ୍ତ ଛାତ୍ର ରାୟଗଡା ସହର ସ୍ଥିତ ଏକ ଘରୋଇ ସ୍କୁଲର ବୋଲି ଜଣାପଡିଛି ।

ମିଳିଥିବା ସୂଚନା ମୁତାବକ ୧୦ ଜଣ ଯାକ ଛାତ୍ର ଗାଧୋଇବା ପାଇଁ ନଦୀକୁ ଯାଇଥିଲେ  । ଏହି ସମୟରେ ଦୁଇ ଜଣ ଛାତ୍ର ନଦୀରେ ବୁଡ଼ି ଯାଇଥିଲେ  । ମୃତ ଛାତ୍ରଙ୍କ ନାଁ ଆଦିତ୍ୟ ନାୟକ ଓ ଆକାଶ ଚୌଧୁରୀ । ରାୟଗଡା ପୋଲିସ ଘଟଣା ପହଞ୍ଚି ମୃତଦେହ ଉଦ୍ଧାର କରିବା ସହ ତଦନ୍ତ ଆରମ୍ଭ କରଛି ।