୧୧ ବର୍ଷ ପରେ ମା’ ହେଲେ ଦେବିନା

ମୁମ୍ବାଇ:  ଟିଭି ଜଗତର ବହୁ ଚର୍ଚ୍ଚିତ ଯୋଡ଼ି ହେଉଛନ୍ତି ଦେବିନା ଏବଂ ଗୁରମିତ୍‌ । ରାମାୟଣରେ ଉଭୟଙ୍କୁ ଦର୍ଶକଙ୍କ ଖୁବ୍‌ ଭଲପାଇବା ମିଳିଥିଲା । ଉଭୟଙ୍କ ଅଭିନୟ ଏତେ ଜୀବିତ ଥିଲାଯେ, ଲୋକେ ସେମାନଙ୍କୁ ବାସ୍ତବ ଭଗବାନ ରାମ ଓ ସୀତା ବୋଲି ଭାବି ନେଇଥିଲେ । ନିକଟରେ ଦେବିନା ମା’ ହୋଇଛନ୍ତି । ସେ ଏକ କନ୍ୟା ସନ୍ତାନକୁ ଜନ୍ମ ଦେଇଛନ୍ତି ।  ଗୁରୁତ୍ୱପୂର୍ଣ୍ଣ କଥା ହେଉଛି ଦୀର୍ଘ ୧୧ ବର୍ଷ ପରେ ଦେବିନା ଓ ଗୁରମିତଙ୍କ ଘରକୁ ଖୁସି ଫେରିଛି ।  ସେମାନେ ଖୁବ୍‌ ଉତ୍ସାହର ସହିତ କୁନି ପରୀକୁ ଘରକୁ ନିମନ୍ତ୍ରଣ କରିଛନ୍ତି ।

ପ୍ରଥମ ଥର ଝିଅକୁ ହାତରେ ଧରି ଖୁବ୍‌ ଭାବବିହ୍ୱଳ ହୋଇଗଲେ ଏହି ଯୋଡ଼ି । ତେବେ ଏକ ସାକ୍ଷାତକାରରେ ଦେବିନା କହିଛନ୍ତିଯେ, ମା’ ହେବାର ଖୁସିକୁ ଅନୁଭବ କରିବା ପାଇଁ ତାଙ୍କୁ ଦୀର୍ଘ ସମୟ ଲାଗିଗଲା । କିନ୍ତୁ ଦେବିନା କହିଛନ୍ତିଯେ, ଝିଅକୁ ହାତରେ ଧରି ଉଭୟ କାନ୍ଦି ପକାଇଥିଲେ । ତେବେ ଗୁରମିତଙ୍କୁ ଛୋଟ ଛୁଆ ବହୁତ ପସନ୍ଦ । କିନ୍ତୁ ନିଜେ ବାପା ହେବାର ଅନୁଭୂତି ଖୁବ୍‌ ନିଆରା ବୋଲି କହିଛନ୍ତି ଏହି ଟ୍ୟାଲେଣ୍ଟେଡ୍‌ ଆକ୍ଟର ।

ସୂଚନାଯୋଗ୍ୟ ଦେବିନା ଗର୍ଭବତୀ ଥିବା ସମୟରେ ଗୁରମିତ ତାଙ୍କର ସମସ୍ତ ପ୍ରୋଜେକ୍ଟରୁ ଦୂରେଇ ରହିଥିଲେ ।