ଭାରତ-ଶ୍ରୀଲଙ୍କା ଟେଷ୍ଟ: ପ୍ରଥମ ଇନିଂସରେ ଶ୍ରୀଲଙ୍କା ୧୭୪ ରନରେ ଅଲଆଉଟ

ମୋହାଲି: ଭାରତ-ଶ୍ରୀଲଙ୍କା ମଧ୍ୟରେ ଚାଲୁଥିବା ପ୍ରଥମ ଟେଷ୍ଟରେ ଶ୍ରୀଲଙ୍କାକୁ ଫଲୋଅନ ଦେଇଛି । ମୋହାଲିରେ ଖେଳାଯାଇଥିବା ପ୍ରଥମ ମ୍ୟାଚରେ ଟସ୍ ଜିତି ବ୍ୟାଟିଂ ନିଷ୍ପତ୍ତି ନେଇଥିଲା ଟିମ୍ ଇଣ୍ଡିଆ । ପ୍ରଥମ ବ୍ୟାଟିଂ କରି ଭାରତ ଶ୍ରୀଲଙ୍କା ସାମ୍ନାରେ ବିଶାଳ ସ୍କୋର ଛିଡ଼ା କରିଥିଲା । ଭାରତ ୮ ଓ୍ୱିକେଟ ବିନିମୟରେ ୫୭୪ ରନ କରିଥିଲେ । ଭାରତ ପକ୍ଷରୁ ରବିନ୍ଦ୍ର ଜାଡେଜା ଅପରାଜିତ ୧୭୫ ରନ କରିଥିବାବେଳେ ଋଷଭ ପନ୍ତ ୯୬ ରନ କରିଥିଲେ ।

Innings Break!

An excellent bowling display by #TeamIndia as Sri Lanka are all out for 174 ??#TeamIndia have enforced the follow-on.

Follow the match ▶️ https://t.co/XaUgOQVg3O#INDvSL | @Paytm pic.twitter.com/KI59ZThSg8

— BCCI (@BCCI) March 6, 2022

୫୭୪ ରନରେ ପାରି ଘୋଷଣା କରିବା ପରେ ଶ୍ରୀଲଙ୍କା ପ୍ରଥମ ଇନିଂସ ଆରମ୍ଭରୁ ଖରପ ପ୍ରଦର୍ଶନ କରିଥିଲା । ଭାରତୀୟ ବୋଲରଙ୍କ ଆଗରେ ଅଧିକ ସମୟ ତିଷ୍ଠି ପାରିନଥିଲେ ଶ୍ରୀଲଙ୍କା ବ୍ୟାଟ୍ସମ୍ୟାନ । ମାତ୍ର ୧୭୪ ରନ କରି ଅଲଆଉଟ ହୋଇଥିଲା ଶ୍ରୀଲଙ୍କା । ଯାହା ଫଳରେ ଭାରତ ଶ୍ରୀଲଙ୍କାକୁ ଫଲୋଅନ ଦେଇଥିଲା । ଭାରତ ପକ୍ଷରୁ ରବିନ୍ଦ୍ର ଜାଡେଜା ୫ ଓ୍ୱିକେଟ ନେଇଥିବାବେଳେ ଯଶପ୍ରୀତ ବୁମ୍ରା, ରବିଚନ୍ଦ୍ରନ ଅଶ୍ୱିନୀ ୨ଟି ଓ ମହମ୍ମଦ ସାମି ଗୋଟିଏ ଓ୍ୱିକେଟ ଅକ୍ତିଆର କରିଛନ୍ତି । ତେବେ ଫଲୋଅନ ପରେ ମଧ୍ୟ ଭଲ ପ୍ରଦର୍ଶନ କରିପାରିନାହିଁ ଶ୍ରୀଲଙ୍କା । ଏହି ଖବର ଲେଖା ହେବା ସୁଦ୍ଧା ଶ୍ରୀଲଙ୍କା ୩ ଓ୍ୱିକେଟ ହରାଇ ୬୫ ରନ କରିଛି । ଭାରତ ପକ୍ଷରୁ ଦ୍ୱିତୀୟ ଇନିଂସରେ ରବିଚନ୍ଦ୍ରନ ଅଶ୍ୱିନୀ ଦୁଇଟି ଓ ମହମ୍ମଦ ସାମି ଗୋଟିଏ ଲେଖାଏଁ ଓ୍ୱିକେଟ ଅକ୍ତିଆର କରିଛନ୍ତି ।