ନାଜାଲ କୋଭିଡ ବୁଷ୍ଟର ଡୋଜ ଟ୍ରାଏଲ ପାଇଁ ଭାରତ ବାୟୋଟେକକୁ ଅନୁମତି ଦେଲା DCGI

ନୂଆଦିଲ୍ଲୀ: ଖୁବ୍ ଶୀଘ୍ର ଦେଶରେ ଉପଲବ୍ଧ ହେବ କୋଭିଡର ନାଜାଲ ଡୋଜ । ନାଜାଲ କୋଭିଡ ବୁଷ୍ଟରର ଟ୍ରାଏଲ ଲାଗି ଭାରତ ବାୟୋଟେକକୁ ଅନୁମତି ଦେଲେ DCGI । ଏହି ପ୍ରକ୍ରିୟାରେ ୯୦୦ରୁ ଅଧିକ ବିଷୟରେ ଗବେଷଣା ଲାଗି ଭାରତ ବାୟୋଟେକକୁ ଅନୁମତି ଦେଇଛନ୍ତି DCGI । ଇଣ୍ଟରନାଜାଲ କୋଭିଡ ବୁଷ୍ଟରର ଟ୍ରାଏଲ ସଫଳ ହେଲେ ଏହି ସଞ୍ଜୀବନୀକୁ ସହଜରେ ଦେଶରେ ବ୍ୟବହାର କରାଯାଇପାରିବ । DCGIର ବିଷୟଗତ ବିଶେଷଜ୍ଞ କମିଟି ବା ଏସଇସି ଏହି ଡୋଜର ଫେଜ-୩ ଟ୍ରାଏଲ ଲାଗି ଭାରତ ବାୟୋଟେକକୁ ଏହି ଅନୁମତି ଦେଇଛନ୍ତି । ଯଦି ଏହି ଟିକାର ଟ୍ରାଏଲ ସଫଳତା ଲାଭ କରେ ତେବେ ଏହା ଦେଶର ପ୍ରଥମ ନାଜାଲ ଭ୍ୟାକ୍ସିନ ହେବ ।

Drugs Controller General of India (DCGI) gives permission to BharatBiotech for intranasal booster dose trials. #COVID19 pic.twitter.com/b2NEo5utfQ

— ANI (@ANI) January 28, 2022

ଗତ ୩ ସପ୍ତାହ ତଳେ ପ୍ରୋଟୋକଲ ଦାଖଲ କରିବା ଲାଗି ଭାରତ ବାୟୋଟେକକୁ ନିର୍ଦ୍ଦେଶ ଦିଆଯାଇଥିଲା । ଏହି ନାଜାଲ ଡୋଜ ଯୋଗୁ କରୋନା ଭାରିଆଣ୍ଟ ଶରୀରରେ ପ୍ରବେଶ କରିପାରି ନଥାଏ । ଓମିକ୍ରନ ପରି ମାରାତ୍ମକ ଭୂତାଣୁର ସଫଳ ମୁକାବିଲା ଲାଗି ସକ୍ଷମ ହୋଇପାରିବ ନାଜାଲ ଡୋଜ । ଦେଶରେ କୋଭାକ୍ସିନ, କୋଭିସିଲ୍ଡ ଓ ସ୍ପୁଟନିକ-ଭି କୋଭିଡ ଟିକା ଭାବେ ବ୍ୟବହୃତ ହେଉଛି ।