ପଞ୍ଜାବ ଚାଷୀଙ୍କୁ ନୂଆ ବର୍ଷ ଗିଫ୍ଟ ଦେଲେ ଚନ୍ନି ସରକାର, ୨ଲକ୍ଷ ପର୍ଯ୍ୟନ୍ତ ଋଣ ଛାଡ

ଚଣ୍ଡିଗଡ: ନୂଆ ବର୍ଷରେ ପଞ୍ଜାବ ଚାଷୀଙ୍କୁ ବଡ଼ ଗିପ୍ଟ ଦେଇଛନ୍ତି ମୁଖ୍ୟମନ୍ତ୍ରୀ ଚରଣଜିତ୍ ସିଂ ଚନ୍ନି । ପଞ୍ଜାବ ଚାଷୀଙ୍କ ୨ ଲକ୍ଷ ପର୍ଯ୍ୟନ୍ତ କୃଷି ଋଣ ଛାଡ କରିବା ନିଷ୍ପତ୍ତି ନେଇଛନ୍ତି ପଞ୍ଜାବ ସରକାର । ଏନେଇ ପ୍ରେସମିଟ୍ କରି ସୂଚନା ଦେଇଛନ୍ତି ପଞ୍ଜାବ ମୁଖ୍ୟମନ୍ତ୍ରୀ ଚରଣଜିତ୍ ସିଂ ଚନ୍ନି । ସେ କହିଛନ୍ତି କି ପଞ୍ଜାବରେ ଏମିତି ଦୁଇ ଲକ୍ଷ ପରିବାର ଅଛନ୍ତି ଯାହାଙ୍କ ଉପରେ ପଞ୍ଜାବ ସରକାର ଦୁଇ ହଜାର କୋଟି ଟଙ୍କା ଖର୍ଚ୍ଚ କରିବେ । ୫ ଏକର ପର୍ଯ୍ୟନ୍ତ ଚାଷଜମି ଥିବା ଚାଷୀଙ୍କୁ ଏହାର ଲାଭ ମିଳିବ । ବ୍ୟାଙ୍କରେ ଜମି ବନ୍ଧକ ରଖି ଋଣ ନେଇଥିବା କୃଷକମାନେ ମଧ୍ୟ ଏହା ଦ୍ୱାରା ଉପକୃତ ହେବେ ।

Punjab govt has decided to waive off debt up to Rs 2 lakh for farmers who have land up to 5 acres – to be implemented in 10 days. We've also waived off debt of landless labourers; decision to form a Commission for General category has been passed: Punjab CM Charanjit Singh Channi pic.twitter.com/hkMCCkEJtf

— ANI (@ANI) December 24, 2021

ପଞ୍ଜାବ ସରକାର ପୂର୍ବରୁ ୫ ଲକ୍ଷ ୬୩ ହଜାର କୃଷକଙ୍କ ୪ ହଜାର ୬୧୦ କୋଟି ଟଙ୍କାର ଋଣ ଛାଡ କରିସାରିଛନ୍ତି । ଏହାଛଡ଼ା ମିଳିତ କିଷାନ ମୋର୍ଚ୍ଚାର ଦାବି ମୁତାବକ ୩୧ ଡିସେମ୍ବର ମଧ୍ୟରେ ଚାଷୀଙ୍କ ନାମରେ ରୁଜୁ ହୋଇଥିବା ସମସ୍ତ ମାମଲା ମଧ୍ୟ ପ୍ରତ୍ୟାହୃତ କରି ନିଆଯାଇଛି । ଏସବୁ ଘୋଷଣା ପରେ ମଧ୍ୟ ପଞ୍ଜାବ ସରକାରଙ୍କ ବିରୋଧରେ କୃଷକ ସେମାନଙ୍କ ଅନ୍ୟ ଦାବି ନେଇ ଆନ୍ଦୋଳନ ଜାରି ରଖିଛନ୍ତି । ଚାଷୀଙ୍କ ସମସ୍ତ ଋଣ ଛାଡ, କୃଷି ଆଇନ ସମୟରେ ମୃତ୍ୟୁ ବରଣ କରିଥିବା ପରିବାରଙ୍କୁ କ୍ଷତିପୂରଣ ଦାବିରେ ଆନ୍ଦୋଳନ ଜାରି ରଖିଛନ୍ତି ଚାଷୀ ସଂଗଠନ ।