ଓମିକ୍ରନ୍ ଆତଙ୍କ ସତ୍ତ୍ବେ ଦକ୍ଷିଣ ଆଫ୍ରିକା ଯିବ ଟିମ୍ ଇଣ୍ଡିଆ; ହେବନି ଟି-୨୦ ସିରିଜ୍

ନୂଆଦିଲ୍ଲୀ: କରୋନାର ନୂଆ ଭାରିଆଣ୍ଟକୁ ନେଇ ସାରା ବିଶ୍ୱରେ ଏକ ଆତଙ୍କ ଖେଳିଯାଇଛି । ଦକ୍ଷିଣ ଆଫ୍ରିକାରୁ ଚିହ୍ନଟ ହୋଇ ବିଶ୍ୱର ୩୦ଟି ଦେଶରେ ମାଡି ସାରିଲାଣି ଓମିକ୍ରନ୍ ଭାରିଆଣ୍ଟ । ତେବେ ନୂଆ ଭାରିଆଣ୍ଟ ଓମିକ୍ରନ୍ ଆଶଙ୍କାରେ ବିଭିନ୍ନ ଟୁର୍ଣ୍ଣାମେଣ୍ଟକୁ ବାତିଲ କରାଯାଉଛି । ତେବେ ନୂଆ ଭାରିଆଣ୍ଟ ଓମିକ୍ରନର ଆତଙ୍କ ସତ୍ତ୍ବେ ଦକ୍ଷିଣ ଆଫ୍ରିକା ଗସ୍ତ କରିବ ଭାରତୀୟ କ୍ରିକେଟ ଟିମ୍ । ଏହି ଗସ୍ତକୁ ନେଇ ପୂର୍ବରୁ ଦ୍ବନ୍ଦ୍ବ ଲାଗି ରହିଥିଲା । କିନ୍ତୁ ଆଜିର ବୈଠକରେ ଭାରତ, ଦକ୍ଷିଣ ଆଫ୍ରିକା ଗସ୍ତ କରିବା ବୋଲି ସ୍ପଷ୍ଟ କରିଛି ବିସିସିଆଇ। ଏନେଇ ସୂଚନା ଦେଇଛନ୍ତି ବିସିସିଆଇ ସଚିବ ଜୟ ଶାହା ।

India to tour South Africa for three Tests and three ODIS, T20Is to be played later: BCCI secretary Jay Shah to ANI pic.twitter.com/2DkPVEDGzR

— ANI (@ANI) December 4, 2021

ଦକ୍ଷିଣ ଆଫ୍ରିକା ଗସ୍ତରେ ଭାରତ ତିନୋଟି ଟେଷ୍ଟ, ତିନୋଟି ଦିନିକିଆ ଏବଂ ଚାରୋଟି ଟି-୨୦ ମ୍ୟାଚ ଖେଳିବାର ଥିଲା । କିନ୍ତୁ ବର୍ତ୍ତମାନ ଭାରତ କେବଳ ତିନୋଟି ଟେଷ୍ଟ ଏବଂ ତିନୋଟି ଦିନିକିଆ ଖେଳିବ । ଅର୍ଥାତ ଦକ୍ଷିଣ ଆଫ୍ରିକା ବିପକ୍ଷରେ ହେବାକୁ ଥିବା ଚାରୋଟି ଟି-୨୦ ମ୍ୟାଚକୁ ସ୍ଥଗିତ ରଖାଯାଇଛି । ଏଥିସହ ଓମିକ୍ରନ୍ ପାଇଁ ଏକ ସପ୍ତାହ ବିଳମ୍ବରେ ଦକ୍ଷିଣ ଆଫ୍ରିକା ଗସ୍ତ କରିବ ଟିମ୍ ଇଣ୍ଡିଆ । ଯାହାଫଳରେ ଡିସେମ୍ବର ୧୭ରେ ହେବାକୁ ଥିବା ପ୍ରଥମ ଟେଷ୍ଟ ଡିସେମ୍ବର ୨୬ରେ ଆରମ୍ଭ ହୋଇପାରେ । ଅନ୍ୟପକ୍ଷରେ ସ୍ଥଗିତ ହୋଇଥିବା ୪ଟି ଟି-୨୦ ମ୍ୟାଚ କେବେ ଖେଳାଯିବ ତାହା ପରବର୍ତ୍ତୀ ସମୟରେ ବିସିସିଆଇ ଏବଂ କ୍ରିକେଟ ସାଉଥ୍ ଆଫ୍ରିକା ନିଷ୍ପତି ନେବ ।