ସୋରରେ ଆତଙ୍କ ଖେଳାଇଛି ଅଜଣା ଜନ୍ତୁ, ୪ ଜଣ ମେଡିକାଲରେ ଭର୍ତ୍ତି

ସୋର: ବାଲେଶ୍ୱର ଜିଲ୍ଲା ସୋରର ଖରାସାହାପୁର ଓ ଅଭଣା ଅଞ୍ଚଳରେ ଅଜଣା ଜନ୍ତୁ ଆତଙ୍କ ଖେଳାଇଛି । ୧୦ରୁ ୧୨ ଜଣଙ୍କୁ ଆକ୍ରମଣ କରିଛି ଅଜଣା ଜନ୍ତୁ । ୨ ଜଣଙ୍କୁ ବାଲେଶ୍ୱର ସ୍ଥାନାନ୍ତର କରାଯାଇଥିବା ବେଳେ ଆଉ ୨ ଜଣ ସୋର ମେଡିକାଲରେ ଚିକିତ୍ସିତ ହେଉଛନ୍ତି ।

ଅଭଣା ପଞ୍ଚାୟତର ବୁଲୁ ବିଶ୍ୱାଳ ଧାନ କାଟୁଥିବା ସମୟରେ ଜନ୍ତୁଟି ତାଙ୍କୁ ଆକ୍ରମଣ କରିଥିଲା । ସେହିପରି ରମଧା ଗାଁରେ ଦୁଇ ଜଣ ବାଳିକା ବିଲକୁ ଯାଉଥିବା ସମୟରେ ଜନ୍ତୁଟି ଆକ୍ରମଣ କରିଥିଲା । ସେମାନଙ୍କୁ ଗୁରୁତର ଅବସ୍ଥାରେ ସୋର ମେଡିକାଲରେ ଭର୍ତ୍ତି କରାଯାଇଛି । ସମ୍ପୂର୍ଣ୍ଣ ଅଞ୍ଚଳରେ କୋକୁଆ ଭୟ ଖେଳିଥିବା ବେଳେ ବନ ବିଭାଗକୁ ତୁରନ୍ତ ପଦକ୍ଷେପ ନେବାକୁ ସାଧାରଣରେ ଦାବି ହୋଇଛି ।