ଭଦ୍ରକ: ମୋ ଝିଅକୁ ଅପହରଣ କରାଯାଇଛି । ଜଣେ ଯୁବକ ତାକୁ ଭଲ ପାଉଥିଲା , ବାରମ୍ବାର ହଇରାଣ କରୁଥିଲା । ହେଲେ ଗତ ଏପ୍ରିଲ ୧୩ ତାରିଖରୁ ମୋ ଝିଅର ପତ୍ତା ମିଳୁ ନାହିଁ । ମୋ ଝିଅ କୁ ଫେରାଇଦିଅ , ଏମିତି କିଛି କହି କାନ୍ଦି କାନ୍ଦି ପୋଲିସ ଆଗରେ ନିଜ ଝିଅ ପାଇଁ ଗୁହାରି କରୁଛନ୍ତି ଜଣେ ମାଆ । ଝିଅ ପାଇଁ ଭଦ୍ରକ ଜିଲ୍ଲା ପୋଲିସ କାର୍ଯ୍ୟାଳୟ ସମ୍ମୁଖରେ ଅନଶନରେ ବସିଛନ୍ତି ଧୂସୁରି ଅଞ୍ଚଳର ଜଣେ ମହିଳା ।
ଅଭିଯୋଗ ଅନୁଯାୟୀ ନାବାଳିକାକୁ ସ୍ଥାନୀୟ ଅଞ୍ଚଳର ଜଣେ ଯୁବକ ବଳପୂର୍ବକ ଅପହରଣ କରିଥିବା ଅଭିଯୋଗ ହୋଇଛି । ଯୁବକ ଜଣକ ନାବାଳିକାକୁ ଏକତରଫା ଭଲପାଉଥିବା ବେଳେ ଅନେକ ସମୟରେ ହଇରାଣ କରୁଥିବା କହିଛନ୍ତି ତାଙ୍କ ମାଆ । ଏ ନେଇ ଭଦ୍ରକ ଏସପିଙ୍କ ନିକଟରେ ଅଭିଯୋଗ ହୋଇଥିଲେ ମଧ୍ୟ କୌଣସି ସୁଫଳ ମିଳି ନାହିଁ । ଶେଷରେ ନାବାଳିକାଙ୍କ ମାଆ ଥାନା ସମ୍ମୁଖ ରେ ଅନଶନରେ ବସିଛନ୍ତି ।
