ଭୁବନେଶ୍ୱର: ସୋମବାର ଯାଜପୁର ଜିଲ୍ଲାର ୬୪ଟି ରୂପାନ୍ତରିତ ସ୍କୁଲର ଲୋକାର୍ପଣ କରିବେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଏଥିପାଇଁ ଯାଜପୁରର ବିରଜା ହାଇସ୍କୁଲ ପରିସରରେ ସ୍ୱତନ୍ତ୍ର କାର୍ଯ୍ୟକ୍ରମର ଆୟୋଜନ କରାଯାଇଛି। କାଲି ଅପରାହ୍ନରେ ହେବାକୁ ଥିବା ଲୋକାର୍ପଣ ଉତ୍ସବରେ ଜିଲ୍ଲାର ବିଧାୟକ ଓ ପ୍ରଶାସନିକ ଅଧିକାରୀ ମାନେ ଉପସ୍ଥିତ ରହିବେ।
ଏହା ପୂର୍ବରୁ ଜିଲାର ପ୍ରଶାସନିକ ଅଧିକାରୀ ଓ ଯାଜପୁରର ପୂର୍ବତନ ପୌରାଧକ୍ଷ ଭବପ୍ରସାଦ ଦାସ ସ୍କୁଲ ପରିସରରେ ସ୍ଥିତି ପରଖିଛନ୍ତି । ଯାଜପୁର ବିଧାୟକ ତଥା ବିଜେଡି ସାଙ୍ଗଠନିକ ସମ୍ପାଦକ ପ୍ରଣବ ପ୍ରକାଶ ଦାସ ଏକାଧିକ ଥର ସ୍କୁଲ ଗସ୍ତ କରି ସମୀକ୍ଷା କରିଛନ୍ତି। ହାଇସ୍କୁଲ ପାଠପଢାରେ ନୂତନ୍ୱତ ଏବଂ ପିଲାଙ୍କୁ ସ୍ମାର୍ଟ ଶିକ୍ଷାଦାନ କ୍ଷେତ୍ରରେ ରାଜ୍ୟ ସରକାରଙ୍କ ଏହି ଯୋଜନାକୁ ତନ୍ନ ତନ୍ନ କରି ସମୀକ୍ଷା କରିଛନ୍ତି ଯାଜପୁର ବିଧାୟକ ।
