କାମାକ୍ଷାନଗର ଥାନା ଘେରାଉ କଲେ ଗ୍ରାମବାସୀ

କାମାକ୍ଷାନଗର: ଥାନା ଘେରାଉ କଲେ ସ୍ଥାନୀୟ ଲୋକେ । ଜମିଜମା ପ୍ରସଙ୍ଗକୁ କେନ୍ଦ୍ର କରି ଗଣ୍ଡଗୋଳ ହୋଇଥିଲା । ଏହାକୁ ନେଇ ବାଇଶିଙ୍ଗା ଗ୍ରାମର ଚାରି ଜଣକୁ ଉଠେଇ ଆଣିଥିଲା କାମାକ୍ଷାନଗର ପୋଲିସ । ପ୍ରତିବାଦରେ ବାଇଶିଙ୍ଗା ଗ୍ରାମର ଶତାଧିକ ପୁରୁଷ ଓ ମହିଳା ଥାନା ଆଗରେ ନାରାବାଜି କରିବା ସହ ଧାରଣା ଦେଇଛନ୍ତି  ।

ଯେ ପର୍ଯ୍ୟନ୍ତ ଗାଁର ପିଲାଙ୍କୁ ପୋଲିସ ଛାଡ଼ିବ ନାହିଁ, ସେ ପର୍ଯ୍ୟନ୍ତ ଆନ୍ଦୋଳନ ଜାରି ରହିବ ବୋଲି କହିଛନ୍ତି ଆନ୍ଦୋଳନକାରୀ  । ସେପଟେ ଶତାଧିକ ଲୋକ ଥାନା ଘେରାଉ କରିବା ପରବର୍ତ୍ତୀ ସମୟରେ ଅପ୍ରୀତିକର ପରିସ୍ଥିତି ସୃଷ୍ଟି କରାଇବା ନେଇ ଆଶଙ୍କା ସୃଷ୍ଟି ହୋଇଛି  ।