ନବରଙ୍ଗପୁର: ଜାତିପ୍ରଥା ଯୋଗୁ ଶବକୁ ମିଳିଲାନି ସାହି ପଡ଼ିଶାଙ୍କ କାନ୍ଧ। ଶବ ସତ୍କାର କଲେ ସ୍ତ୍ରୀ ଓ ବାପା-ମା’। ଏଭଳି ଅଭାବନାୟୀ ଘଟଣା ସାମ୍ନାକୁ ଆସିଛି ନବରଙ୍ଗପୁର ଜିଲ୍ଲା ତେନ୍ତୁଳିଖୁଣ୍ଟି ବ୍ଲକ କଂଗ୍ରା ଗାଁରେ। ସାରଥି ଯାନୀଙ୍କ ପୁଅ ଜଗବନ୍ଧୁ ଯାନୀ କୌଣସି କାରଣରୁ ଅସୁସ୍ଥ ହୋଇପଡ଼ିବାରୁ ତାଙ୍କୁ ନବରଙ୍ଗପୁର ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଥିଲା । ସେଠାରେ ସେ ପ୍ରାଣ ହରାଇଥିଲେ।
ଖବର ପାଇ ଗାଁର ଅନ୍ୟ ସମ୍ପ୍ରଦାୟର ୩ ଯୁବକ ସହାୟତା ପାଇଁ ମେଡିକାଲରେ ପହଞ୍ଚିଥିଲେ। ଆମ୍ବୁଲାନ୍ସ ଯୋଗେ ଗାଁରେ ଜଗବନ୍ଧୁଙ୍କ ମୃତଦେହ ପହଞ୍ଚିବା ପରେ ଆରମ୍ଭ ହୋଇଥିଲା ବିବାଦ। ଅନ୍ୟ ସମ୍ପ୍ରଦାୟର ଯୁବକ ମୃତଦେହକୁ ଛୁଇଁଥିବା ଅଭିଯୋଗ କରି ଜାତି ଭାଇମାନେ ଶବ ସତ୍କାର କରିବା ପାଇଁ ମନା କରିଦେଇଥିଲେ।
ତେବେ ଜଗବନ୍ଧୁଙ୍କର ପ୍ରଥମ ପତ୍ନୀ ଥିବା ବେଳେ ସେ ଅନ୍ୟ ସଂପ୍ରଦାୟର ଆଉ ଏକ ଝିଅକୁ ବାହା ହୋଇଥିବାରୁ ସାହି ଭାଇ ଶବ ସତ୍କାର କରିନଥିଲେ। ଶେଷରେ ବାଧ୍ୟ ହୋଇ ଜଗବନ୍ଧୁ ଯାନୀଙ୍କ ୨ ସ୍ତ୍ରୀ, ମା’ ଓ ବାପା ମୃତଦେହକୁ କୋକେଇରେ ମଶାଣିକୁ ନେଇ ସତ୍କାର କରିଥିଲେ। ଜଗବନ୍ଧୁଙ୍କ ୨ କୁନି ପୁଅ ମୁଖାଗ୍ନି ଦେଇଥିଲେ।
