ନୂଆଦିଲ୍ଲୀ: କରୋନା ଟିକାକରଣ ଓ ଜିଏସଟି ଆଦାୟକୁ ନେଇ କେନ୍ଦ୍ରକୁ ଟାର୍ଗେଟ କରିଛନ୍ତି ଆରବିଆଇର ପୂର୍ବତନ ଗଭର୍ଣ୍ଣର ତଥା ବିଶିଷ୍ଟ ଅର୍ଥନୀତିଜ୍ଞ ଡକ୍ଟର ରଘୁରାମ ରାଜନ।
ସୂଚନା ଅନୁଯାୟୀ, କେନ୍ଦ୍ରର ଦୁର୍ବଳ ନୀତି ଯୋଗୁ ଟିକାକରଣ ଆରମ୍ଭରୁ ସମସ୍ୟା ଦେଖାଦେଇଥିଲା। ସେହିପରି ଜିଏସଟି ଆଦାୟ ଯୋଗୁ ସେଭଳି କିଛି ଚମତ୍କାର ମଧ୍ୟ ହୋଇନାହିଁ। ଏହା ସମ୍ପୂର୍ଣ୍ଣ ଭାବେ କେନ୍ଦ୍ର ସରକାରଙ୍କ ଭୁଲ । ସରକାର ନିଜ ଭୁଲରୁ ଶିକ୍ଷା ଗ୍ରହଣ କରନ୍ତୁ ବୋଲି ଡକ୍ଟର ରାଜନ କହିଛନ୍ତି।
ତେବେ ଏହି ଭୁଲ ପାଇଁ କେନ୍ଦ୍ର ସରକାରଙ୍କୁ ଦେଶ ବିରୋଧୀ କୁହାଯାଇପାରିବ କି ବୋଲି ପ୍ରଶ୍ନ କରିଛନ୍ତି ଡକ୍ଟର ରାଜନ। ସେହିପରି ଏହି ଭୁଲ ପାଇଁ କେନ୍ଦ୍ର ସରକାରଙ୍କୁ RSS ଦେଶ ବିରୋଧୀ ଆଖ୍ୟା ଦେବ କି ବୋଲି ମଧ୍ୟ ପ୍ରଶ୍ନ କରିଛନ୍ତି ଏହି ପୂର୍ବତନ ଗଭର୍ଣ୍ଣର ।
