ଲମତାପୁଟ: କୋରାପୁଟର ଲମତାପୁଟ ଅଞ୍ଚଳରେ ଏବେ ହରିୟାଣା ପୋଲିସ। ୨ଆନ୍ତରାଜ୍ୟ ଗଞ୍ଜେଇ ମାଫିଆକୁ ନନ୍ଦପୁର ଓ ଲମତାପୁଟ ପୋଲିସ ଗିରଫ କରିବାରେ ସଫଳ ହୋଇଛି। କିଛି ମାସ ତଳେ ଆନ୍ଧ୍ରପ୍ରଦେଶ ଓ ମଧ୍ୟପ୍ରଦେଶ ଅଞ୍ଚଳରୁ ହରିୟାଣା ରାଜ୍ୟକୁ ଏକ ଟ୍ରକ୍ ଯୋଗେ ୧୭ କ୍ୟୁଣ୍ଟାଲ ଗଞ୍ଜେଇ ଚାଲାଣ କରାଯାଉଥିବା ସମୟରେ ହରିୟାଣା ରାଜ୍ୟର ସ୍ୱପ୍ନାଲି ପୁଲିସ ହାତରେ ଧରା ପଡିଥିଲ। ଏହି ଘଟଣାରେ ସ୍ୱପ୍ନାଲି ପୋଲିସ କିଛି ଯୁବକଙ୍କୁ ଗିରଫ କରିବାରେ ସଫଳ ହୋଇଥିଲେ।
ପୋଲିସର ତଦନ୍ତ ପରେ କୋରାପୁଟ ଜିଲ୍ଲା ଲମତାପୁଟର ପ୍ରଦୀପ ଶର୍ମା ଓ ମାଲକାନଗିରି ଜିଲ୍ଲା ମାଥିଲି ଥାନା ଅଞ୍ଚଳର ଜୟରାମ ଜାଲାରୀ ସମ୍ପୃକ୍ତ ରହିଥିବା ଜାଣିବାକୁ ପାଇଥିଲେ। ଏହାପରେ ଘଟଣା ସମ୍ପର୍କରେ ହରିୟାଣା SP କୋରାପୁଟ SP ଙ୍କ ସହ ଯୋଗାଯୋଗ କରିଥିଲେ। ଘଟଣା ସମ୍ପର୍କରେ ଜାଣିବା ପରେ କୋରାପୁଟ SP ନନ୍ଦପୁର SDPOଙ୍କୁ ଏନେଇ ନିର୍ଦ୍ଦେଶରେ ଦେଇଥିଲେ। SPଙ୍କ ନିର୍ଦ୍ଦେଶରେ ଲମତାପୁଟ ଓ ନନ୍ଦପୁର ପୋଲିସ ଏକ ଟିମ୍ ଗଠନ କରି ୨ଆନ୍ତରାଜ୍ୟ ଗଞ୍ଜେଇ ମାଫିଆକୁ ଗିରଫ କରିବାରେ ସଫଳ ହୋଇଥିଲେ। ଗିରଫ ହୋଇଥିବା ୨ ଗଞ୍ଜେଇ ମାଫିଆଙ୍କୁ ହସ୍ତାନ୍ତର କରିଥିବା ନନ୍ଦପୁର sdpo ସଞ୍ଜୟ ମହାପାତ୍ର ପ୍ରକାଶ କରିଛନ୍ତି।
