ରେବିଙ୍ଗିଆ ତୁଲିପାଜୁ ଜଙ୍ଗଲରୁ କଙ୍କାଳ ଉଦ୍ଧାର ଘଟଣା, ସାର୍ଟ ଗାମୁଛା ଦେଖି ଚିହ୍ନିଲେ ପରିବାର ଲୋକେ

ବାଲିଗୁଡ଼ା: ରେବିଙ୍ଗିଆ ତୁଲିପାଜୁ ଜଙ୍ଗଲରୁ କଙ୍କାଳ ଉଦ୍ଧାର ଘଟଣା। କଙ୍କାଳରେ ଥିବା ସାର୍ଟ, ଗାମୁଛା ଓ ଲୁଙ୍ଗିକୁ ଚିହ୍ନଟ କଲେ ପରିବାର ଲୋକେ। ନିଖୋଜ ଥିବା ଟିକୁନ ଗୌଡ଼ଙ୍କ କଙ୍କାଳ ବୋଲି ଦାବି କଲେ ପରିବାର ଲୋକେ। ଏକଜୁକୁଟିଭ୍ ମାଜିଷ୍ଟ୍ରେଟଙ୍କ ଉପସ୍ଥିତିରେ କଙ୍କାଳ ଜବତ କରି ଯାଞ୍ଚ୍ ପାଇଁ ଫୋରେନସିକ୍ ଲ୍ୟାବକୁ ପଠାଇଲା ବାଲିଗୁଡ଼ା ପୋଲିସ। ପୂର୍ବ ଶତ୍ରୁତାକୁ କେନ୍ଦ୍ରକରି କିଛି ସମ୍ପର୍କୀୟ ଲୋକେ ଏହି ହତ୍ୟାକାଣ୍ଡ ଘଟାଇଥିବା ପରିବାର ଲୋକଙ୍କ ଅଭିଯୋଗ। ଅଭିଯୋଗ ପ୍ରକାରେ ଡଗ୍ ସ୍କ୍ୱାର୍ଡ ଓ ସାଇଣ୍ଟିଫିକ୍ ଟିମ୍ ସହାୟତାରେ ପୋଲିସର ଛାନଭିଭିନ୍।

ସେପଟେ ଟିକୁନ ଗୌଡ଼ ଗତ ଫେବୃଆରୀ ୨୩ ତାରିଖରୁ ନିଖୋଜ ଥିଲେ। ପରିବାର ଲୋକେ ବହୁତ ଖୋଜାଖୋଜି କରି ନପାଇବାରୁ ମାର୍ଚ୍ଚ ୪ତାରିଖରେ ବାଲିଗୁଡ଼ା ଥାନାରେ ଅଭିଯୋଗ କରିଥିଲେ। ଗତକାଲି ରେବିଙ୍ଗିଆ ଅଞ୍ଚଳର କିଛି ଲୋକ ଜଙ୍ଗଲକୁ ମହୁଲ ଗୋଟେଇବାକୁ ଯାଇଥିବା ବେଳେ କଙ୍କାଳ ପଡିଥିବା ଦେଖିଥିଲେ। ଏନେଇ ନିଖୋଜ ବ୍ୟକ୍ତିଙ୍କ ପରିବାର ଏବଂ ପୋଲିସକୁ ଖବର ଦିଆଯାଇଥିଲା  ଏବେ ଘଟଣାସ୍ଥଳରେ ପହଁଚି ଛାନଭିନ୍ ଆରମ୍ଭ କରିଥିଲା ପୋଲିସ ।