ମାର୍ଚ୍ଚ ୨୭ରୁ ୪ ଏପ୍ରିଲ, ୭ ଦିନ ବ୍ୟାଙ୍କ୍ ବନ୍ଦ ରହିବ!
1 min read
ନୂଆଦିଲ୍ଲୀ: ମାର୍ଚ୍ଚ ୨୭ରୁ ୪ ଏପ୍ରିଲ ପର୍ଯ୍ୟନ୍ତ ଏକ ଲମ୍ବା ବ୍ୟବଧାନରେ ବ୍ୟାଙ୍କ୍ସେବା ବନ୍ଦ ରହିବ । ଯାହାର ଏକ ତାଲିକା ଜାରି କରିଛି ଭାରତୀୟ ରିଜର୍ଭ ବ୍ୟାଙ୍କ୍। ଯଦି ଛୁଟି ତାଳିକା ଆପଣଙ୍କ ନିକଟରେ ନାହିଁ ତେବେ ଜରୁରୀ କାମ ସମୟରେ ସମସ୍ୟାରେ ପଡ଼ିପାରନ୍ତି । ତେବେ କେଉଁ କେଉଁ ଦିନ ବ୍ୟାଙ୍କ୍ବନ୍ଦ ରହିବ ନଜର ପକାନ୍ତୁ ।
ମାର୍ଚ୍ଚ ୨୭ରୁ ୪ ଏପ୍ରିଲ ମଧ୍ୟରେ ମାତ୍ର ଦୁଇ ଦିନ ବ୍ୟାଙ୍କ୍ ଖୋଲା ରହିବ । ୨୭ ମାର୍ଚ୍ଚ ମାସର ଚତୁର୍ଥ ଶନିବାର ହୋଇଥିବାରୁ ସାରା ଦେଶରେ ବ୍ୟାଙ୍କ୍ବନ୍ଦ ରହିବ ।
୨୮ ମାର୍ଚ୍ଚ ରବିବାର । ସୋମବାର ହୋଲି । ଏଭଳି ସ୍ଥିତିରେ ଆପଣଙ୍କର ବ୍ୟାଙ୍କ୍ରେ ଯଦି କୌଣସି ଜରୁରୀ କାମ ରହିଛି ତେବେ ଖୁବଶୀଘ୍ର ଶେଷ କରନ୍ତୁ ।
୩୦ ମାର୍ଚ୍ଚ ଏବଂ ୩ ଏପ୍ରିଲକୁ ବ୍ୟାଙ୍କ୍ସେବା ଜାରି ରହିବ । ୩୧ ମାର୍ଚ୍ଚ ଯଦିଓ ବ୍ୟାଙ୍କ୍ବନ୍ଦ ରହିବ ନାହିଁ ତଥାପି ବ୍ୟାଙ୍କ ସମ୍ପର୍କିତ କୌଣସି କାର୍ଯ୍ୟ ହେବନାହିଁ । ଏହାର ଏକମାତ୍ର କାରଣ ଏହା ହେଉଛି ଆର୍ଥିକ ବର୍ଷର ଶେଷ ଦିନ ।
୧ ଅପ୍ରେଲ ବ୍ୟାଙ୍କ୍ର ବାର୍ଷିକ ଆକାଉଣ୍ଟର କ୍ଲୋଜିଙ୍ଗ୍ଇୟର ।
୨ ଅପ୍ରେଲ ଗୁଡ୍ଫ୍ରାଇଡେ ।
୩ ଅପ୍ରେଲ ଶନିବାର । କିନ୍ତୁ ପ୍ରଥମ ଶନିବାର ହୋଇଥିବାରୁ ବ୍ୟାଙ୍କ୍ଖୋଲାରହିବ ।
୪ ଏପ୍ରିଲ ରବିବାର ହେତୁ ବ୍ୟାଙ୍କ୍ବନ୍ଦ ରହିବ ।
ନିକଟରେ ଭାରତୀୟ ରିଜର୍ଭ ବ୍ୟାଙ୍କ୍ଦ୍ୱାରା ଏକ କ୍ୟାଲେଣ୍ଡର ଜାରି ହୋଇଛି । କ୍ୟାଲେଣ୍ଡରରେ ଛୁଟିଦିନ ଗୁଡ଼ିକ ବିଷୟରେ ଉଲ୍ଲେଖ ରହିଛି । ଯଦି ଆପଣ ଛୁଟି ତାଲିକା ଦେଖିବା ପାଇଁ ଚାହୁଁଛନ୍ତି ତେବେ RBI ଓ୍ୱେବସାଇଟରେ ସମସ୍ତ ତଥ୍ୟ ଉପଲବ୍ଧ ।
