ଉତ୍ତର ଜାପାନରେ ୭.୨ ତୀବ୍ରତାର ଶକ୍ତିଶାଳୀ ଭୂମିକମ୍ପ ଝଟକା, ୧ ମିଟରର ସୁନାମୀ ଆଶଙ୍କା

ଟୋକିଓ: ଶନିବାର ଉତ୍ତର ଜାପାନରେ ଶକ୍ତିଶାଳୀ ଭୂମିକମ୍ପ ଅନୁଭୂତ ହୋଇଛି । ୨୦୧୧ରେ ସୁନାମୀ ଆସିଥିବା ଅଞ୍ଚଳରେ ହିଁ ଶକ୍ତିଶାଳୀ ଭୂମିକମ୍ପ ଝଟକା ଲାଗିଛି । ଏହା ଫଳରେ ୧ ମିଟରର ସୁନାମୀ ଆସିବା ନେଇ ଆଶଙ୍କା କରାଯାଇଛି ।

https://twitter.com/i/status/1373208694746402817

ସ୍ଥାନୀୟ ସମୟ ସନ୍ଧ୍ୟା ୬ଟା ୨୬ରେ ମିୟାଗି ଉପକୂଳରେ ଅନୁଭୂତ ହୋଇଛି ଭୂମିକମ୍ପ । ରିକ୍ଟର ସ୍କେଲରେ ଭୂମିକମ୍ପର ତୀବ୍ରତା ୭.୨ ରେକର୍ଡ କରାଯାଇଛି । ମିୟାଗି ଠାରୁ ୬୦ କିମି ଦୂରରେ ଭୂମିକମ୍ପର କେନ୍ଦ୍ର ସ୍ଥଳ ଥିବା ଜାପାନ ପାଣିପାଗ ସଂସ୍ଥା ସୂଚନା ଦେଇଛି ।

https://twitter.com/i/status/1373212753385623554

ଭୂମିକମ୍ପ ଝଟକା ପରେ ଲୋକମାନେ ଭୟରେ ଘରୁ ବାହାରକୁ ପଳାଇ ଆସିଛନ୍ତି । ଉତ୍ତର-ପୂର୍ବ ଜାପାନ ପାଇଁ ସୁନାମୀ ସତର୍କତା ଦିଆଯାଇଛି । ତେବେ, ଘଟଣାଟି ବର୍ତ୍ତମାନ ଘଟିଥିବାରୁ ବିଶେଷ ସୂଚନା ମିଳିପାରି ନାହିଁ ।