ନଈକୁ ଗୋଧୋଇବାକୁ ଯାଇଥିଲେ ଦୁଇ ପୁଅ ଓ ବାପା, ଖସିଗଲା ଗୋଡ଼..

ଭୁବନେଶ୍ୱର: ରାଜଧାନୀ ଉପକଣ୍ଠ ବାଲିପାଟଣା ନିକଟରେ କୁଆଖିଆ ନଦୀରେ ବୁଡ଼ି ନାବାଳକ ମୃତ । ନଦୀକୁ ବାପାଙ୍କ ସହ ଗାଧୋଇ ଯାଇଥିଲେ ଦୁଇ ପୁଅ । ଆଜି ମଧ୍ୟାହ୍ନରେ ଭୁବନେଶ୍ଵର ଲିଙ୍ଗରାଜ ଥାନା ରାମେଶ୍ଵରପାଟଣା ଅଂଚଳର ବାପ ଏବଂ ଦୁଇ ନାବାଳକ ପୁଅ ଟଙ୍କପାଣି ବ୍ରିଜ ନିକଟ କୁଆଖାଇ ନଦୀକୁ ଗାଧୋଇବାକୁ ଯାଇଥିଲେ ।

ବାପା ଶୌଚ ହେବା ପାଇଁ ଯାଇଥିବା ବେଳେ ଦୁଇ ନାବାଳକ ନଦୀରେ ଗାଧୋଉଥିଲେ । ଏହି ସମୟରେ ଦୁଇ ନାବାଳକ ନଦୀରେ ବୁଡିଯଇଥିଲେ । ପିଲାଙ୍କ ଚିତ୍କାର ଶୁଣି ବାପା ଜଣଙ୍କୁ ଉଦ୍ଧାର କରିଥିବା ବେଳେ ଅନ୍ୟ ଜଣେ ନଦୀର ଗଭୀର ଜଳରେ ବୁଡ଼ି ଯାଇଥିଲେ । ଖବର ପାଇଁ ବାଲିଅନ୍ତା ଅଗ୍ନିଶମ ବାହିନୀ ଘଟଣାସ୍ଥଳରେ ପହଁଞ୍ଚି ଉଦ୍ଧାର କାର୍ଯ୍ୟ ଆରମ୍ଭ କରିଥିଲା । ପରେ ନାବାଳକଙ୍କୁ ଗୁରୁତର ଅବସ୍ଥାରେ ଉଦ୍ଧାର କରିବା ସହ କ୍ୟାପିଟାଲ ହସ୍ପିଟାଲ୍‌ରେ ଭର୍ତ୍ତି କରିଥିଲେ । ଡାକ୍ତର ଗୁରୁତର ନିଖିଲଙ୍କୁ ମୃତ ଘୋଷଣା କରିଛନ୍ତି ।