ବିମାନ କ୍ରାସ୍ରେ ବର୍ତ୍ତିଗଲେ, ଜଙ୍ଗଲରେ ଫସିଗଲେ: ୫ ସପ୍ତାହ ଯାଏଁ କିଭଳି ବିତାଇଲେ ଜୀବନ, ଜାଣନ୍ତୁ
ନୂଆଦିଲ୍ଲୀ: ଦୁର୍ଘଟଣାରୁ ବର୍ତ୍ତିଗଲେ କିନ୍ତୁ ଜଙ୍ଗଲରେ ଫସିଗଲେ । ପର୍ତ୍ତୁଗାଲର ଏଲେଙ୍କର ସହର ଅଭିମୁଖେ ଯାଉଥିବା ପାଇଲଟ୍ ଜଣଙ୍କ ବିମାନ କ୍ରାସ୍ କରିଥିବା ବେଳେ ସେ ଏଥିରୁ ବର୍ତ୍ତିଯାଇଥିଲେ । ଏବଂ ଆମାଜୋନ୍ର ଭୟଙ୍କର ଜଙ୍ଗଲରେ ଫସିଯାଇଥିଲେ । ଆଉ ୫ ସପ୍ତାହ ଯାଏଁ ନିର୍ଜନ ଜଙ୍ଗଲ ଭିତରେ ଚାଲିଥିଲା ବଞ୍ଚିରହିବାକୁ ଅହରହ ସଂଗ୍ରାମ ।
ଦୁର୍ଘଟଣାଗ୍ରସ୍ତ ବିମାନର ପାଇଲଟ୍ ଏଣ୍ଟୋନିଆ ୨୮ ଜାନୁଆରୀରୁ ନିଖୋଜ ଥିଲେ । ସେ ପର୍ତ୍ତୁଗାଲର ଏଲେଙ୍କର ସହରରୁ ଉଡ଼ାଣ ଭରି ସେ ଏଲମେରିମ୍ ସହରକୁ ଯାଉଥିଲେ । ଉଡ଼ାଣ ସମୟରେ ବିମାନରେ କିଛି ଯାନ୍ତ୍ରିକ ସମସ୍ୟ ଦେଖାଯିବାରୁ ଆମାଜୋନର ଜଙ୍ଗଲରେ ଲ୍ୟାଣ୍ଡିଂ କରିବାକୁ ନିଷ୍ପତ୍ତି ନେଇଥିଲେ କିନ୍ତୁ ଏହା ପୂର୍ବରୁ ବିମାନରେ ନିଆଁ ଲାଗିଯାଇ କ୍ରାସ୍ ହୋଇଯାଇଥିଲା । ତେବେ ଏହା ପୂର୍ବରୁ ସେ ଏକ ବ୍ୟାଗରେ କିଛି ବ୍ରେଡ୍ ଏବଂ ଅନ୍ୟ ଜରୁରୀ ସାମଗ୍ରୀ ରଖିସାରିଥିଲେ । ଏଣ୍ଟୋନି ଜଙ୍ଗଲରେ ପାଞ୍ଚ ସପ୍ତାହ ଯାଏଁ ଜୀବନ ବିତାଇଥିଲେ । ଏହାରି ମଧ୍ୟରେ ସେ ପକ୍ଷୀଙ୍କ ଅଣ୍ଡା ଓ ଜଙ୍ଗଲର ଫଳ ଖାଇ ଜୀବନ ନିର୍ବାହ କରୁଥିଲେ ।
ପ୍ରଥମ ସପ୍ତାହରେ ନିଜ ବିମାନ ନିକଟରେ ହିଁ ବିତାଇଥିଲେ । ଅପରପକ୍ଷରେ ଏଣ୍ଟୋନିଙ୍କ କୌଣସି ଖବର ନ ମିଳିବାପରେ ରେସ୍କ୍ୟୁ ଟିମ୍ ଆକ୍ଟିଭ୍ ହୋଇଯାଇଥିଲା । ତେବେ ଏହି ସମୟ ମଧ୍ୟରେ ସେ ପକ୍ଷୀମାନଙ୍କ ଅଣ୍ଡା ଓ ଜଙ୍ଗଲରେ ଉପଲବ୍ଧ ଫଳ ଖାଇ ରହିଥିଲେ ।
ନିଜ ପ୍ଳେନ୍ ନିକଟରେ କିଛି ଦିନ ରହିବା ପରେ ଏଣ୍ଟୋନି ସହାୟତା ଆଶାରେ ଜଙ୍ଗଲରେ ଘୁରି ବୁଲୁଥିଲେ ଏହି ସମୟରେ ତାଙ୍କୁ ରେସ୍କ୍ୟୁ ଟିମ୍ ତାଙ୍କୁ ଖୋଜି ପାଇବାରେ ସଫଳ ହୋଇଥିଲା । ସେମାନଙ୍କୁ ଭେଟିବା ପରେ ସେ ଭାବୁକ ହୋଇଯାଇଥିଲେ ଏହାରି ମଧ୍ୟରେ ୩୬ ବର୍ଷୀୟ ପାଇଲଟଙ୍କ ଶୀରର ଓଜନ ମଧ୍ୟ କମ୍ ହୋଇଯାଇଥିଲା । ତାଙ୍କ ପରିବାର ଲୋକଙ୍କ ପ୍ରତି ଏଣ୍ଟୋନିଙ୍କ ଭଲପାଇବା ତାଙ୍କୁ ଏଭଳି ପ୍ରତିକୂଳ ପରିସ୍ଥିତିରେ ମଧ୍ୟ ବାନ୍ଧି ରଖିଥିଲା ।
