ଚାକିରିଆଙ୍କ ପାଇଁ ବଡ ଖବର,ଏପ୍ରିଲ ୧ରୁ ୧୨ ଘଣ୍ଟା କାମ ସହ ବଢିବ ପିଏଫ୍

ନୂଆଦିଲ୍ଲୀ: ଚାକିରିଆଙ୍କ ପାଇଁ ଏପ୍ରିଲରେ ହୋଇପାରେ ବଡ଼ ପରିବର୍ତ୍ତନ।   ଚାକିରିଆଙ୍କ ୱର୍କିଂ ଟାଇମ୍, ଗ୍ରାଚ୍ୟୁଟି ଏବଂ ପିଏଫ ଅବଦାନ ନେଇ ହୋଇପାରେ ବଡ଼ ପରିବର୍ତ୍ତନ। ଆଗକୁ ଆପଣଙ୍କ ଦରମାର ପୂରା ଢାଞ୍ଚା ବଦଳିପାରେ ଯାହା ଆପଣଙ୍କ ପକେଟକୁ ବାଧିବ। କେନ୍ଦ୍ର ଶ୍ରମ ଓ ନିଯୁକ୍ତି ମନ୍ତ୍ରଣାଳୟ ଆଣିବାକୁ ଯାଉଛି ନୂଆ ଲେବର କୋଡ୍। ଏହି ନୂଆ ଲେବର କୋଡରେ ଘଟିବାକୁ ଯାଉଛି ବହୁତ ପରିବର୍ତ୍ତନ। ଆସନ୍ତୁ ଜାଣିବା କଣ ଏହି ସବୁ ପରିବର୍ତ୍ତନ।

୧. ଦରମାରେ ହେବ ପରିବର୍ତ୍ତନ: ଦରମା ଢ଼ାଞ୍ଚା ବା ପେ ଷ୍ଟ୍ରକ୍ଚର ଲାଗୁ ହୋଇପାରେ। ନୂଆ ଷ୍ଟ୍ରକ୍ଚର ଆଧାରରେ ଆପଣଙ୍କ ଦରମାରେ ବେସିକ୍ ଦରମା ୫୦ କିମ୍ବା ତାଠୁ ଅଧିକ ରଖିବାକୁ ପଡ଼ିବ।  ସରକାରଙ୍କ ଅନୁଯାୟୀ ଏହାଦ୍ୱାରା ନିଯୁକ୍ତିଦାତା ଓ କର୍ମଚାରୀ ଉଭୟଙ୍କୁ ଫାଇଦା ହେବ।

୨.  ନୂଆ ନିୟମ ମୁତାବକ ଆପଣଙ୍କ ପିଏଫ କଣ୍ଟ୍ରିବ୍ୟୁଶନ ବି ବଢ଼ିଯିବ। ହେଲେ ଆପଣଙ୍କ ଟେକ ହୋମ ଦରମା କମିଯିବ। ନିୟମ ମୁତାବକ ଆପଣଙ୍କ ଦରମାରେ ବେସିକ୍ ଦରମା ୫୦ ପ୍ରତିଶତ ହୋଇଯିବ ଯହା ଫଳରେ ଅନେକ ଲୋକଙ୍କ ଦରମା ଢାଞ୍ଚା ବଦଳିଯିବ।

୩. ୧୨ ଘଣ୍ଟା କାମ କରିବାର ପ୍ରସ୍ତାବ:  ଏହା ବ୍ୟତୀତ ସର୍ବାଧିକ କାର୍ଯ୍ୟ ସମୟକୁ ୧୨ଘଣ୍ଟାକୁ ବୃଦ୍ଧି କରିବାକୁ ମଧ୍ୟ ପ୍ରସ୍ତାବ ଦିଆଯାଇଛି। ଏହା ବ୍ୟତୀତ, ଅଧିକ ସମୟ ମଧ୍ୟରେ ୧୫ ରୁ ୩୦ ମିନିଟ୍ ପର୍ଯ୍ୟନ୍ତ ଅଧିକକାମ କଲେ ଏହାକୁ ଓଭରଟାଇମ୍ ଅନ୍ତର୍ଭୁକ୍ତ କରାଯିବ। ବର୍ତ୍ତମାନ ସମୟରେ ଯଦି ଆପଣ 30 ମିନିଟରୁ କମ୍ ସମୟ ପାଇଁ ଏଧିକ କାମ କରୁଛନ୍ତି ତେବେ ଏହାକୁ ଓଭର ଟାଇମରେ ସାମିଲ କରାଯାଉନାହିଁ ।

୪. ତିନି ଦିନ ମିଳିବ ଛୁଟିଛ ନୂଆ ନିୟ ଅନୁଯାୟୀ ଯଦି ଜମେଣେ ବ୍ୟକ୍ତି ଦିନକୁ ୧୨ ଘଣ୍ଟା କାମ କରନ୍ତି ତେବେ ତାଙ୍କୁ ସମପ୍ତାହରେ ୩ ଦିନ ଛୁଟି ମିଳିବ । ଅର୍ଥାତ ସେ ସପ୍ତାହରେ ମାତ୍ର ୪ ଦିନ କାମ କରିବେ ।