ତିନି ବର୍ଷରେ ୩୦୫ ଜଣ ସହିଦ, ୨୦୧୮ରେ ସବୁଠୁ ଅଧିକ

ନୂଆଦିଲ୍ଲୀ: ଗତ ତିନି ବର୍ଷରେ ଜାମ୍ମୁ-କାଶ୍ମୀରରେ ସହିଦ ହୋଇଛନ୍ତି ୩୦୫ ଜଣ ଯବାନ । ୨୦୧୮ରେ ସବୁଠୁ ଅଧିକ ଯବାନ ସହିଦ ହୋଇଛନ୍ତି । ଗତ ତିନି ବର୍ଷରେ ସୀମାରେ ହୋଇଥିବା ଅସ୍ତ୍ରବିରତି ଭଲ୍ଲଂଘନର ରିପୋର୍ଟ ରଖିଛନ୍ତି ଗୃହମନ୍ତ୍ରାଳୟ ।

ତିନି ବର୍ଷରେ ଅସ୍ତ୍ରବିରତି ଭଲ୍ଲଂଘନ ଅଧିକ ଥର ହୋଇଥିବା ବେଳେ ଆତଙ୍କୀ ହମଲା କମ୍ ହୋଇଛି । ମଙ୍ଗଳବାର ଗୃହମନ୍ତ୍ରାଳୟ ପକ୍ଷରୁ ଜାରି ହୋଇଥିବା ସୂଚନା ଅନୁସାରେ ୨୦୨୦ରେ ୫ ହଜାର ୧୩୩ ଥର ଅସ୍ତ୍ରବିରତି ଭଲ୍ଲଂଘନ ହୋଇଛି । ଯେଉଁଥିରେ ୨୨ ଜଣ ସାଧାରଣ ଲୋକଙ୍କ ଜୀବନ ଯାଇଥିବା ବେଳେ ୧୭ ଜଣ ଆହତ ହୋଇଛନ୍ତି ।

ସେହିଭଳି ୨୪ ଜଣ ଯବାନ ସହିଦ ହୋଇଥିବା ବେଳେ ୧୨୬ ଜଣ ଆହତ ହୋଇଛନ୍ତି । ୨୦୧୯ରେ ୩୪୭୯ଟି ଅସ୍ତ୍ରବିରତି ଭଲ୍ଲଂଘନ ମାମଲା ସାମ୍ନାକୁ ଆସିଥିଲା । ଏହି ବର୍ଷ ୧୮ ଜଣ ସାଧାରଣ ଲୋକଙ୍କ ମୃତ୍ୟୁ ହୋଇଥିବା ବେଳେ ୧୯ ଜଣ ଯବାନ ସହିଦ ହୋଇଛନ୍ତି । ସେହିଭଳି ୨୦୧୮ରେ ୨୧୪୦ଥର ଅସ୍ତ୍ରବିରତି ଭଲ୍ଲଂଘନ ହୋଇଥିଲା । ତେବେ ଏହି ବର୍ଷ ୬୧୪ ଥର ଆତଙ୍କବାଦୀ ଆକ୍ରମଣ ଘଟଣା ଘଟିଥିଲା । ଯେଉଁଥିରେ ୯୧ ଜଣ ଯବାନ ସହିଦ ହୋଇଥିବା ବେଳେ ୩୯ ଜଣ ସାଧାରଣ ଲୋକଙ୍କ ଜୀବନ ଯାଇଥିଲା । ସେହିଭଳି ୨୦୨୦ରେ ୨୨୧ ଜଣ ଆତଙ୍କବାଦୀ ନିହତ ହୋଇଥିବା ବେଳେ ୨୦୧୮ରେ ୨୫୭ ଓ ୨୦୧୯ରେ ୧୫୭ ଜଣ ଆତଙ୍କବାଦୀ ନିପାତ ହୋଇଛନ୍ତି ।