ରାଜ୍ୟକୁ ଫେରିଲା କଣ୍ଟେନମେଣ୍ଟ ଜୋନ୍: ୧୭ ଆକ୍ରାନ୍ତ ପରେ କଟକଣା ଲାଗୁ କଲା ପ୍ରଶାସନ

ନିଆଳି: ଦୀର୍ଘ ଦିନର ବ୍ୟବଧାନ ପରେ ରାଜ୍ୟକୁ ପୁଣି ଫେରିଛି କଣ୍ଟେନମେଣ୍ଟ ଜୋନ୍ । ଭୂତାଣୁ ସଂକ୍ରମଣ ଅପେକ୍ଷାକୃତ କମ୍ ଥିବା ବେଳେ ନିଆଳିରେ ସ୍ଥିତି ଭିନ୍ନ ରହିଛି । କଣ୍ଟାପଡ଼ାରେ ୧୭ କରୋନା ଆକ୍ରାନ୍ତ ଓ ଜଣଙ୍କ ମୃତ୍ୟୁ ଘଟିଛି । ପରେ ଏହା ପରେ ନୂଆସାହିକୁ କଣ୍ଟେନମେଣ୍ଟ ଜୋନ୍ ଘୋଷଣା କରିଛି ସ୍ଥାନୀୟ ପ୍ରଶାସନ । ସଂକ୍ରମଣ ରୋକିବାକୁ ଏଭଳି ପଦକ୍ଷେପ ନିଆଯାଇଥିବା ବେଳେ ଜାନୁଆରୀ ୪ ତାରିଖ ଯାଏଁ ସମ୍ପୃକ୍ତ ଅଞ୍ଚଳରେ କଣ୍ଟେନମେଣ୍ଟ କଟକଣା ବଳବତ୍ତର ରହିବ । କଣ୍ଟେନମେଣ୍ଟ ଜୋନ୍‌ ପାଇଁ ଲାଗୁ ନିୟମ ମୁତାବକ ଜୋନ୍ ଅନ୍ତର୍ଗତ ସମସ୍ତ ସରକାରୀ ଓ ବେସରକାରୀ ଅଫିସ ବନ୍ଦ ରହିବ । କଣ୍ଟାପଡ଼ା ବିଡିଓଙ୍କୁ ସମସ୍ତ ଅତ୍ୟାବଶ୍ୟକ ସାମଗ୍ରୀ ଯୋଗାଣ ଦାୟିତ୍ୱ ଦିଆଯାଇଛି । ନୂଆସାହି ଖଣ୍ଡାସାଇଲୋ ଗାଁରୁ ବଡ଼ପାଟସୁନ୍ଦରପୁର ଯାଏଁ ଚଳାଚଳ ବନ୍ଦ ରହିଛି ।

ଏଥିସହିତ ପଢ଼ନ୍ତୁ: ୨୨ ରାଜ୍ୟରେ ଚାଲିଛି ‘କୋଭାକ୍ସିନ୍’ର ତୃତୀୟ ପର୍ଯ୍ୟାୟ ପରୀକ୍ଷଣ: ସାରା ବିଶ୍ୱର ଧ୍ୟାନ ଆକର୍ଷଣ କରିପାରିଥିବା କହିଲା ଆଇସିଏମ୍‌ଆର