ଯାଜପୁର ନିର୍ବାଚନ ମଣ୍ଡଳୀରେ ବିଜୁ ଯୁବ ଛାତ୍ର ଓ ଜନତା ଦଳର କର୍ମଶାଳା

ଯାଜପୁର: ଯାଜପୁର ନିର୍ବାଚନ ମଣ୍ଡଳୀରେ ବିଜୁ ଯୁବ ଛାତ୍ର ଓ ଜନତା ଦଳର ଏକ କର୍ମଶାଳା ଅନୁଷ୍ଠିତ ହୋଇଛି । ଯାଜପୁର ବିଧାୟକ ପ୍ରଣବ ପ୍ରକାଶ ଦାସ ଏହି ଅବସରରେ ଦଳର ଯୁବଗୋଷ୍ଠୀଙ୍କୁ ଦଳୀୟ ଉଦେଶ୍ୟ ଏବଂ ଲକ୍ଷ୍ୟ ସମ୍ପର୍କରେ ଅବଗତ କରାଇଥିଲେ । ମୁଖ୍ୟମନ୍ତ୍ରୀ ସର୍ବଦା ରାଜ୍ୟକୁ ଆଗେଇ ନେବାକୁ ସବୁ ପ୍ରକାର ପ୍ରୟାସ କରିଛନ୍ତି । ୨୪ ବର୍ଷ ପରେ ଏତେ ସଂଖ୍ୟାରେ ଯୁବକମାନେ ଆଜି ବିଜେଡିକୁ ଭଲ ପାଉଛନ୍ତି ତାହାହିଁ ନବୀନଙ୍କ ଲୋକପ୍ରିୟତାକୁ ବୟାନ କରୁଛି । ଯାଜପୁର ଜିଲ୍ଲା ଏକ ବିକଶିତ ଜିଲ୍ଲା । ଓଡ଼ିଶା ରାଜ୍ୟ କାର୍ଯ୍ୟକାରିଣୀ ବୈଠକ ପରେ ପ୍ରଥମଥର ପାଇଁ ଯାଜପୁର ନିର୍ବାଚନ ମଣ୍ଡଳୀରେ ଅନୁଷ୍ଠିତ ହୋଇଛି କର୍ମଶାଳା । ଯାହା ଓଡ଼ିଶାକୁ ବାର୍ତ୍ତା ଦେବ ।

ଯୁବ ଓ ଛାତ୍ର ମାନେ ସମାଜର ମାଇଲ ଖୁଣ୍ଟ । ଯୁବଗୋଷ୍ଠୀଙ୍କ ଉନ୍ନତିରେ ରାଜ୍ୟର ଉନ୍ନତି ନିହିତ । ଯେଉଁମାନେ ରାଜ୍ୟ ସରକାରଙ୍କ ଯୋଜନାରୁ ବଞ୍ଚିତ ହେଉଛନ୍ତି ସେମାନଙ୍କ ପାଖରେ କିପରି ଯୋଜନା ସବୁ ପହଞ୍ଚିବ ସେଥିପାଇଁ ଏହି କର୍ମଶାଳା ଆୟୋଜନ କରାଯାଇଛି । ଏଥିରେ ବିଜୁ ଯୁବ ଛାତ୍ର ଓ ଜନତା ଦଳର ଯୁବକ ମାନେ ପ୍ରତ୍ୟେକ ଲୋକଙ୍କ ଘରକୁ ଯିବେ ଏବଂ ସେମାନଙ୍କ ନିକଟରେ ରାଜ୍ୟ ସରକାରଙ୍କ ଯୋଜନା କିପରି ପହଞ୍ଚି ପାରିବ ସେଥିପାଇଁ ଉଦ୍ୟମ ମଧ୍ୟ କରିବେ ବୋଲି କହିଛନ୍ତି ବିଧାୟକ ପ୍ରଣବ ପ୍ରକାଶ ଦାସ ।