ସିବିଆଇ କଷ୍ଟଡିରୁ ଗାଏବ ୪୫କୋଟିର ସୁନା ! ତଦନ୍ତ ନିର୍ଦ୍ଦେଶ ଦେଲେ ମାଦ୍ରାସ ହାଇକୋର୍ଟ

ଚେନ୍ନାଇ: ସିବିଆଇ ଦ୍ୱାରା ଜବତ ସୁନା ଗାଏବ । ପ୍ରାୟ ୪୫ କୋଟି ମୂଲ୍ୟର ୧୦୩ କେଜି ସୁନା ସିବିଆଇ କଷ୍ଟଡିରୁ ଗାଏବ । ଏହି ଘଟଣା ଏବେ ଲୋକଲୋଚନକୁ ଆସିବା ପରେ ସିବି-ସିଆଇଡିକୁ ଘଟଣାର ତଦନ୍ତ ନିର୍ଦ୍ଦେଶ ଦେଇଛନ୍ତି ମାଦ୍ରାସ ହାଇକୋର୍ଟ ।୨୦୧୨ ମସିହାରେ ସିବିଆଇ ଦ୍ୱାରା ୪୦୦.୫ କେ.ଜି ବହୁମୂଲ୍ୟବାନ ସୁନା ଗହଣା ସିଜ୍ ହୋଇଥିଲା । ସୁରାନା କର୍ପୋରେସନ୍ ଲିମିଟେଡ ଅଫିସ ରେଡରୁ ସିବିଆଇ ଏହି ସୁନା ଜବତ କରିଥିଲ । ତେବେ ଏହି ସୁନା ଏକ ସୁରକ୍ଷିତ ଏବଂ ନିରାପଦ ସ୍ଥାନରେ ସିବିଆଇ ସିଲ୍ ସହ ରଖାଯାଇଥିଲା ।

ସୁନା ଗାଏବ ହେବା ନେଇ ତଦନ୍ତକାରୀ ସଂସ୍ଥାର କହିବା ହେଲା ଯେ, ସମସ୍ତ ୭୨ଟି ଚାବି ଚେନ୍ନାଇ ପ୍ରନ୍ସିପାଲ ସ୍ପେଶାଲ କୋର୍ଟ ଫର୍ ସିବିଆଇଙ୍କୁ ଦିଆଯାଇଛି । ଏବଂ ସିଜ୍ ହୋଇଥିବା ସମସ୍ତ ସୁନା ଏକା ଥରକେ ଓଜନ ହୋଇଥିଲା କିନ୍ତୁ ଏହାକୁ ହସ୍ତାନ୍ତର କରିବା ବେଳେ ଷ୍ଟେଟ୍ ବ୍ୟାଙ୍କକୁ ସୁରାନ୍ ଋଣ ନେଇଥିବାରୁ ତାଙ୍କୁ ଦେବା ପାଇଁ ଅଲଗା କରି ଓଜନ କରାଯାଇଥିଲା । ଏଥି ଯୋଗୁଁ ଗାଏବ ହୋଇଥିବାରୁ ସୁନାର ହିସାବ ମିଳିପାରୁନଥିବା ତଦନ୍ତକାରୀ ସଂସ୍ଥା ପକ୍ଷରୁ କୁହାଯାଇଛି ।

ଫାଇଜର ଟିକାର ଜରୁରୀକାଳୀନ ବ୍ୟବହାର ପାଇଁ ଆମେରିକାର ଅନୁମତି