କୃଷି ଆଇନ ପ୍ରତ୍ୟାହାର ନେଇ ପ୍ରବର୍ତ୍ତାଇବାକୁ ରାଷ୍ଟ୍ରପତିଙ୍କୁ ଅନୁରୋଧ କଲେ ବିରୋଧୀ

ନୂଆଦିଲ୍ଲୀ: କୃଷି ଆଇନ ବିରୋଧରେ କୃଷକଙ୍କ ଆନ୍ଦୋଳନ ତୀବ୍ରତର ହେବାରେ ଲାଗିଛି । ଏଥିସହିତ ଚାଷୀ ଆନ୍ଦୋଳନକୁ ସମର୍ଥନ ମଧ୍ୟ ବଢ଼ିବାରେ । ଏହି ଆଇନ ପ୍ରତ୍ୟାହାର କରିବା ନେଇ ସରକାରଙ୍କୁ ପ୍ରବର୍ତ୍ତାଇବା ନେଇ ରାଷ୍ଟ୍ରପତିଙ୍କୁ ଅନୁରୋଧ କରିଛନ୍ତି ବିରୋଧୀ । ମିଳିତଭାବେ ବିରୋଧୀ ଦଳ ଗୁଡ଼ିକ ରାଷ୍ଟ୍ରପତିଙ୍କୁ ଭେଟି ଏ ନେଇ ସ୍ମାରକ ପତ୍ର ପ୍ରଦାନ କରିଛନ୍ତି ।

ପ୍ରସ୍ତାବକୁ କଲେ ପ୍ରତ୍ୟାଖାନ, ପୁଣି ଦେଲେ ଆନ୍ଦୋଳନର ଆହ୍ୱାନ

            ମୁଖ୍ୟ ବିରୋଧୀ କଂଗ୍ରେସ ଦଳ ନେତା ରାହୁଲ ଗାନ୍ଧୀ, ସିପିଆଇ ସାଧାରଣ ସମ୍ପାଦକ ସୀତାରାମ ୟେଚୁରୀଙ୍କ ସମେତ ଡିଏମ୍‌କେ, ସିପିଆଇ-ଏମ୍‌ର ନେତାମାନେ ରାଷ୍ଟ୍ରପତି ରାମନାଥ କୋବିନ୍ଦଙ୍କୁ ଭେଟି ଅନୁରୋଧ କରିବା ସହ ଏ ସମ୍ପର୍କରେ ସ୍ମାରକ ପତ୍ର ପ୍ରଦାନ କରିଛନ୍ତି । ଗଣମାଧ୍ୟମକୁ ସୂଚନା ଦେଇ ବିରୋଧୀ ଦଳ ନେତାମାନେ କହିଛନ୍ତି ଯେ, ଉପଯୁକ୍ତ ଆଲୋଚନା ଏବଂ ପରାମର୍ଶ ବିନା କେନ୍ଦ୍ର ସରକାର ଚାଷ ବିଲ୍ ପାରିତ କରିଛନ୍ତି । ଏଣୁ କୃଷି ବିଲ୍ ଉପରେ ଗଭୀର ଆଲୋଚନା ନେଇ ଚୟନ କମିଟିକୁ ପଠାଇବାକୁ ସେମାନେ ରାଷ୍ଟ୍ରପତିଙ୍କ କହିଛନ୍ତି । ଯେଉଁଭଳି ଭାବେ କୃଷି ଆଇନ ଲାଗୁ କରାଗଲା ଏହା ଦେଶର କୃଷକଙ୍କ ପାଇଁ ଅପମାନ ସଦୃଶ୍ୟ । ଏହି ବିଲକୁ ରଦ୍ଦ କରିବା ନିହାତି ଜରୁରି ।