ସବୁଠୁ କମ୍ ବୟସରେ କୋଟିପତି: ବିମାନଠୁ ନେଇ ଗାଡ଼ି, ବଙ୍ଗଳାର ମାଲିକ
ନୂଆଦିଲ୍ଲୀ: ଦୁନିଆରେ ଧନୀ ହେବାକୁ କିଏ ବା ସ୍ୱପ୍ନ ନଦେଖେ । କିଏ କଷ୍ଟ କରି ଧନୀ ହୁଏ ତ ଆଉ କିଏ ଲଟେରୀ ପାଇ । ମାତ୍ର ଭାଗ୍ୟବାନ ହେଉଛନ୍ତି ସେମାନେ ଯେଉଁମାନଙ୍କୁ ଜନ୍ମ ଜନ୍ମ ହେଉ ହେଉ ବିପୁଳ ଧନ ମିଳିଯାଏ । ଏବେ ଇଣ୍ଟରନେଟେ ସେନସେସନ୍ ପାଲଟିଛନ୍ତି ସେମିତି ଜଣେ ୯ ବର୍ଷର ବାଳକ । ଘର ନାଇଜେରିଆରେ, ନାଁ ମହମ୍ମୋଦ ଅୱଲ ମୁସ୍ତାଫା ।
ସୂଚନା ଅନୁସାରେ, ମାତ୍ର ୬ ବର୍ଷ ବୟସରେ ମହମ୍ମୋଦ ଏକ ବଙ୍ଗଳାର ମାଲିକ ହୋଇଥିଲେ । ଏପରିକି ତାଙ୍କ ପାଖରେ ଏକ ପ୍ରାଇଭେଟ୍ ଜେଟ୍ ରହିଛି । ଯେଉଁଥିରେ ସେ ଦୁନିଆ ବୁଲନ୍ତି । ଏହାଛଡ଼ା ତାଙ୍କ ପାଖରେ ରହିଛି ଅନେକ ସୁପର କାରର କଲେକ୍ସନ୍ ।
ମହମ୍ମୋଦ ପ୍ରାୟ ସମୟ ସୋସିଆଲ୍ ମିଡିଆରେ ସକ୍ରିୟ ରୁହନ୍ତି । ତାଙ୍କ ଜୀବନଶୈଳୀକୁ ସେ ସର୍ବଦା ସୋସିଆଲ୍ ମିଡିଆରେ ସେୟାର କରନ୍ତି । ସୋସିଆଲ୍ ମିଡିଆରେ ଭାଇରାଲ୍ ଫଟୋ ମଧ୍ୟରେ ସେ ଏକ ବିମାନରେ ବସି ଖାଉଥିବା ଏବଂ ଦାମୀ ନାମୀ କମ୍ପାନୀର ଡ୍ରେସ୍ ପିନ୍ଧିବାରେ ନଜର ଆସିଛନ୍ତି ।
