ଭୁବନେଶ୍ବର : କୋଲକାତାରେ କାଳବୈଶାଖୀ। ପାଗ ଖରାପ ଯୋଗୁଁ ଭୁବନେଶ୍ବରରେ ଜରୁରୀ ଅବତରଣ କଲା ୮ ବିମାନ । ୧୨ ଘଣ୍ଟା ପରେ ବି ଗନ୍ତବ୍ୟସ୍ଥଳରେ ଯାତ୍ରୀ ପହଞ୍ଚିନପାରିବାରୁ ଅସନ୍ତୋଷ ପ୍ରକାଶ ପାଇଛି । ଭୁବନେଶ୍ୱର ବିମାନ ବନ୍ଦରରେ ଉତ୍ତେଜନା ପ୍ରକାଶ ପାଇଛି । ଗେଟ ସମ୍ମୁଖରେ ୧୪୦ରୁ ଅଧିକ ଯାତ୍ରୀଙ୍କ ହୋହଲ୍ଲା କରିଛନ୍ତି । ମିଳିଥିବା ସୂଚନା ଅନୁସାରେ ପାଗ ଖରାପ ଯୋଗୁଁ ଦିଲ୍ଲୀରୁ କୋଲକାତା ଯାଉଥିବା ଯାତ୍ରୀଙ୍କୁ ଗତକାଲି ରାତିରୁ ଭୁବନେଶ୍ୱର ବିମାନ ବନ୍ଦରରେ ଜରୁରୀ ଅବତରଣ କରିଥିଲା ସ୍ପାଇସଜେଟ। ପାଗ ଭଲ ହେବା ପରେ ବି ଗନ୍ତବ୍ୟସ୍ଥଳରେ ପହଂଚି ପାରିନାହାନ୍ତି ଯାତ୍ରୀ। ସେପଟେ ବିମାନ ବନ୍ଦର କର୍ତ୍ତୃପକ୍ଷଙ୍କ ସୂଚନା ଅନୁସାରେ, ଗତକାଲି ୮ଟି ଫ୍ଲାଇଟ ଅବତରଣ କରିଥିଲା। ସେଥି ମଧ୍ୟରୁ ଦୁଇଟି ଫ୍ଲାଇଟ ରହି ଯାଇଛି। ସମସ୍ତ ଯାତ୍ରୀଙ୍କୁ ପଠାଇବାକୁ ବ୍ୟବସ୍ଥା କରାଯାଉଛି ।
