କଲେଜ ପରିସରେ ଗୋମାଂସ ରାନ୍ଧିବା ଅଭିଯୋଗରେ ୭ ଛାତ୍ର ବହିଷ୍କୃତ

ବ୍ରହ୍ମପୁର: ପାରଳା ମହାରାଜା ଇଞ୍ଜିନିୟରିଂ କଲେଜରେ ଗୋମାଂସ ରାନ୍ଧିବା ଅଭିଯୋଗ । ୭ ଜଣ ଛାତ୍ରଙ୍କୁ ବହିଷ୍କୃତ କଲେ କଲେଜ ଅଧ୍ୟକ୍ଷ  l ଗତ ୧୧ ତାରିଖ ରାତିରେ ଛାତ୍ରମାନେ ଗୋମାଂସ ରାନ୍ଧି କିଛି ଛାତ୍ରଙ୍କୁ ଦେଇଥିବା ଅଭିଯୋଗ ହୋଇଥିଲା ।

ଏହାକୁ ନେଇ ହଷ୍ଟେଲରେ ଅଶାନ୍ତ ପରିବେଶ ସୃଷ୍ଟି ହୋଇଥିଲା । ପରେ ବିଶ୍ଵ ହିନ୍ଦୁ ପାରିଷଦ ପକ୍ଷରୁ କଲେଜ ଅଧ୍ୟକ୍ଷଙ୍କ ନିକଟରେ  ଓ ଗୋପାଳପୁର ଥାନାରେ ଅଭିଯୋଗ କରାଯାଇଥିଲା । କଲେଜ ଅଧ୍ୟକ୍ଷ ଘଟଣାର ଅନୁଧ୍ୟାନ କରିବା ପରେ ୭ ଜଣ ଛାତ୍ରଙ୍କୁ ବହିଷ୍କୃତ କରିଛନ୍ତି । କଲେଜରେ ଅଶାନ୍ତ ବାତାବରଣ ଥିବାରୁ ଏକ ପ୍ଲାଟୁନ ପୋଲିସ ଫୋର୍ସ ମୁତୟନ କରାଯାଇଛି ।